തെലുങ്ക് സൂപ്പര്‍സ്റ്റാര്‍ നന്ദമുരി ബാലകൃഷ്ണ തന്റെ പ്രതിഫലം 20 കോടിയായി ഉയര്‍ത്തി. 10 കോടി രൂപയാണ് നിലവില്‍ വാങ്ങിയിരുന്നത്. എന്നാല്‍ ഡിസംബര്‍ 2ന് റിലീസ് ചെയ്ത അഖണ്ഡ 100 കോടി ക്ലബില്‍ ഇടംപിടിച്ചതോടെ നന്ദമുരി ബാലകൃഷ്ണന്‍ തന്റെ പ്രതിഫലം 20 കോടിയായി ഉയര്‍ത്തി എന്നാണ് റിപ്പോര്‍ട്ട്.
താരത്തിന്റെ 107-ാമത് ചിത്രത്തില്‍ 20 കോടിയാണ് പ്രതിഫലമായി വാങ്ങുക. ശ്രുതിഹാസനാണ് ചിത്രത്തിലെ നായിക. ഗോപിചന്ദ് മാലിനേനി സംവിധാനം ചെയ്യുന്ന ചിത്രത്തില്‍ ദുനിയ വിജയ്‌യാണ് മറ്റൊരു താരം. വരലക്ഷ്‌മി ശരത്‌കുമാര്‍ സുപ്രധാന വേഷത്തില്‍ എത്തുന്നുണ്ട്. നാല്പതു വര്‍ഷം പിന്നിടുകയാണ് നന്ദമുരി ബാലകൃഷ്ണയുടെ അഭിനയജീവിതം. ബാലതാരമായാണ് വെള്ളിത്തിരയിലേക്ക് എത്തുന്നത്.
