കോഴിക്കോട്: തൊണ്ടയാട് ബൈപ്പാസില് കാറിടിച്ച് അവശനിലയിലായ കാട്ടുപന്നിയെ വെടിവച്ചു കൊന്നു.
വനംവകുപ്പ് ഉദ്യോഗസ്ഥര് ഇന്നു രാവിലെയാണ് പന്നിയെ കൊന്നത്. പിടികൂടാനെത്തിയ വനംവകുപ്പ് ഉദ്യോഗസ്ഥരെ പന്നി ആക്രമിക്കാന് ശ്രമിച്ചിരുന്നു.
ഇന്നലെയാണ് അപകടം നടന്നത്. കാട്ടുപന്നിയെ ഇടിച്ച കാര് നിയന്ത്രണം നഷ്ടമായി മറിഞ്ഞ് ഒരാള് മരിച്ചിരുന്നു. ചേളന്നൂര് ചിറ്റടിപ്പാറയില് സിദ്ധിക്ക് ആണ് മരിച്ചത്. പരിക്കേറ്റവര് ആശുപത്രിയില് ചികിത്സയില് കഴിയുകയാണ്. നഗരപ്രദേശത്താണ് കാട്ടുപന്നിയുടെ സാന്നിധ്യം ഉണ്ടായത്.
അപകടമുണ്ടായതിനു പിന്നാലെ കാട്ടുപന്നിയെ കണ്ടെത്താന് വനം വകുപ്പ് ഉദ്യോഗസ്ഥര് വ്യാപക തെരച്ചില് നടത്തിയിരുന്നു. എന്നാല്, കണ്ടെത്താന് കഴിഞ്ഞിരുന്നില്ല. ഇന്നു രാവിലെ അപകടം നടന്നതിനു സമീപത്തെ തോടിനു സമീപത്താണ് പന്നിയെ പരിക്കേറ്റ നിലയില് കണ്ടെത്തിയത്.