Saturday, May 28, 2022
HomeKeralaപ്രണയ വിവാഹം കഴിഞ്ഞ് ആറ് മാസം, പ്രശ്‌നങ്ങള്‍ തുടങ്ങിയത് ഭര്‍ത്താവിന്റെ വഴിവിട്ട ബന്ധങ്ങള്‍ മനസിലാക്കിയതോടെ; യുവതിയുടെ...

പ്രണയ വിവാഹം കഴിഞ്ഞ് ആറ് മാസം, പ്രശ്‌നങ്ങള്‍ തുടങ്ങിയത് ഭര്‍ത്താവിന്റെ വഴിവിട്ട ബന്ധങ്ങള്‍ മനസിലാക്കിയതോടെ; യുവതിയുടെ ആത്മഹത്യയില്‍ യുവാവ് അറസ്റ്റില്‍

ചവറ: ഭര്‍തൃവീട്ടില്‍ യുവതിയെ തൂങ്ങിമരിച്ച നിലയില്‍ കണ്ടെത്തിയ സംഭവത്തില്‍ ഭര്‍ത്താവ് അറസ്റ്റില്‍. ചവറ തോട്ടിനുവടക്ക് കോട്ടയില്‍ വടക്കേതില്‍ ശ്യാംരാജിന്റെ ഭാര്യ സ്വാതിശ്രീ(22)യെയാണ് ഈ മാസം 12ന് കിടപ്പുമുറിയിലെ ഫാനില്‍ തൂങ്ങിമരിച്ച നിലയില്‍ കണ്ടെത്തിയത്.

ആറ് മാസം മുമ്ബായിരുന്നു സ്വാതിശ്രീയുടെ വിവാഹം. പ്രണയവിവാഹമായിരുന്നു. മകളുടെ മരണത്തില്‍ ദുരൂഹതയുണ്ടെന്ന് ആരോപിച്ച്‌ സ്വാതിശ്രീയുടെ പിതാവ് പൊലീസില്‍ പരാതി നല്‍കിയിരുന്നു. സംഭവ സമയത്ത് ശ്യാംരാജ് അച്ഛനുമായി തിരുവനന്തപുരത്ത് ആശുപത്രിയിലായിരുന്നു.

ശ്യാംരാജ് യുവതിയെ ഫോണില്‍ വിളിച്ചു അസഭ്യം പറയുകയും കൊന്ന് കളയുമെന്ന് ഭീഷണിപ്പെടുത്തുകയും ചെയ്തതാണ് ആത്മഹത്യയ്ക്ക് കാരണമെന്ന് പൊലീസ് പറയുന്നു. വിവാഹം കഴിഞ്ഞ് ആദ്യ നാളുകളില്‍ത്തന്നെ ഇരുവരും തമ്മില്‍ അസ്വാരസ്യങ്ങള്‍ തുടങ്ങിയിരുന്നു. ഭര്‍ത്താവിനു വഴിവിട്ട ബന്ധങ്ങള്‍ ഉള്ളതായി മൊബൈല്‍ ഫോണില്‍ നിന്നും മനസിലാക്കിയതിനെത്തുടര്‍ന്നാണ് പ്രശ്‌നങ്ങള്‍ ഉടലെടുത്തതെന്നും അന്വേഷണ ഉദ്യോഗസ്ഥര്‍ പറഞ്ഞു.

RELATED ARTICLES

LEAVE A REPLY

Please enter your comment!
Please enter your name here

STORIES

Most Popular