കൊച്ചി: നടിയെ ആക്രമിച്ച കേസിലെ പ്രതി പൾസർ സുനിക്ക് ഉറക്കക്കുറവ്. ദിവസങ്ങളായി ബുദ്ധിമുട്ട് നേരിട്ടതോടെ പ്രതിയെ എറണാകുളം ഗവൺമെന്റ് മെഡിക്കൽ കോളേജ് ആശുപത്രിയിൽ ചികിത്സക്കായി എത്തിച്ചു. മെഡിക്കൽ കോളേജിലെ മാനസിക രോഗ വിഭാഗത്തിലാണ് ഇന്ന് ഉച്ചയോടെ പ്രതിയെ കൊണ്ടുവന്നത്. ദിവസങ്ങളായി ഉറക്കകുറവ് അനുഭവപ്പെട്ടതിനെ തുടർന്നാണ് ചികിത്സയെന്നാണ് അധികൃതരുടെ വിശദീകരണം. എറണാകുളം ജില്ലാ ജയിലിൽ നിന്ന് നെടുമ്പാശ്ശേരി പൊലീസിന്റെ വാഹനത്തിൽ മെഡിക്കൽ കോളേജ് ആശുപത്രിയിൽ എത്തിക്കുകയായിരുന്നു. മാനസിക സംഘർഷമാണ് പൾസർ സുനിയുടെ ഉറക്കക്കുറവിന് കാരണമെന്ന് ഡോക്ടർമാർ പറഞ്ഞു.
© Malayali Express