മൂന്നാര്: അറുപതിെന്റ നിറവില് കൊട്ടും കുരവയുമായി വീണ്ടും മിന്നുകെട്ടി മൂന്നാറിലെ ദമ്ബതി ജോഡികള്.
ഗൃഹനാഥെന്റ 60 പിറന്നാളിന് നടത്തുന്ന തമിഴ് ജനതയുടെ ആഘോഷമായ അറുപതാം കല്യാണം എന്ന ചടങ്ങിലാണ് രണ്ടുജോഡി ദമ്ബതികള് വീണ്ടും കല്യാണ മണ്ഡപത്തില് കയറിയത്. മൂന്നാര് സുബ്രഹ്മണ്യ സ്വാമി ക്ഷേത്രത്തില്വെച്ചായിരുന്നു നാട്ടുകാര്ക്ക് കൗതുകമായ കല്യാണം. ലക്ഷ്മി വിരിപാറ സ്വദേശികളായ ഷണ്മുഖയ്യ – ഷണ്മുഖനദി ദമ്ബതികളും കന്നിമല ലോവര് ഡിവിഷനിലെ ശെല്വരാജ് – ലളിത ദമ്ബതികളുമാണ് ഒരേ വേദിയില് വീണ്ടും ‘വിവാഹിതരായത്. ഇരുകുടുംബങ്ങളും തമ്മിലുള്ള ബന്ധവും കാണികള്ക്ക് കൗതുകമായി. ശെല്വരാജിെന്റ രണ്ട് ആണ്മക്കള് വിവാഹം ചെയ്തിരിക്കുന്നത് ഷണ്മുഖത്തിെന്റ രണ്ട് പെണ്മക്കളെയാണ്. ഇരുകുടുംബത്തിലെയും മക്കളുടെയും കൊച്ചുമകളുടെയും മേല്നോട്ടത്തിലാണ് കല്യാണവും നടന്നത്.
വിവാഹം കഴിഞ്ഞ് 60 വര്ഷം പൂര്ത്തിയാക്കുകയോ ഭര്ത്താവിന് 60 വയസ്സ് തികയുകയോ ചെയ്യുമ്ബോള് നടത്തുന്ന ചടങ്ങാണ് അറുപതാം കല്യാണം. വിവാഹം കഴിച്ച സമയത്ത് അണിയിച്ച ഒരുക്കങ്ങളും വേഷങ്ങളും ധരിച്ച് പഴയ താലിയുടെ മാതൃക അണിയിക്കുന്നതാണ് കല്യാണം. താലികെട്ട്, പൂമാല ചാര്ത്തല്, മോതിരം മാറ്റം തുടങ്ങി പഴയ ചടങ്ങുകളെല്ലാം ഇവിടെയുമുണ്ട്. ബന്ധുക്കളുടെ സാന്നിധ്യത്തില് സദ്യയൊക്കെ തയാറാക്കി നടത്തുന്ന ചടങ്ങ് സന്തുഷ്ട കുടുംബത്തിെന്റ ലക്ഷണമായി കരുതപ്പെടുന്നു.
വിവാഹജീവിതത്തിലെ പൊരുത്തക്കേടുകളും തുടര്ന്നുള്ള വിവാഹമോചനങ്ങളും ഏറിവരുന്ന പുതുതലമുറക്ക് വര്ഷങ്ങള് നീണ്ട ദാമ്ബത്യജീവിതത്തിെന്റ വിജയമാതൃകയാണ് ഈ രണ്ട് ദമ്ബതികള്. ക്ഷേത്രപൂജാരി ശങ്കരനാരായണെന്റ നേതൃത്വത്തിലായിരുന്നു ചടങ്ങുകള്.