ന്യൂഡൽഹി : രാജ്യത്ത് കൊറോണ വ്യാപനം കുതിച്ചുയരുന്നു. പ്രതിദിന കോറോണ ബാധിതർ മൂന്നര ലക്ഷത്തിനടുത്ത്. കഴിഞ്ഞ 24 മണിക്കൂറിനിടെ 3,47,254 പേർക്കാണ് രോഗം സ്ഥിരീകരിച്ചു. ഒമിക്രോൺ ബാധിതരുടെ എണ്ണവും ഒമ്പതിനായിരത്തി അഞ്ഞൂറ് കടന്നിരിക്കുകയാണ്. ഇതുവരെ 9,692 പേർക്കാണ് ഇന്ത്യയിൽ ഒമിക്രോൺ സ്ഥിരീകരിച്ചത്.
കഴിഞ്ഞ ദിവസത്തേക്കാൾ 29,722 കൊറോണ രോഗികൾ ഇന്ന് കൂടുതലായി റിപ്പോർട്ട് ചെയ്തിട്ടുണ്ട്. ഇതിനിടെ 2,51,777 പേർ കഴിഞ്ഞ 24 മണിക്കൂറിനിടെ രോഗമുക്തി നേടി. ഇതോടെ ചികിത്സയിൽ കഴിയുന്നവരുടെ എണ്ണം 20,18,825 ആയി. രാജ്യത്തെ പ്രതിദിന ടെസ്റ്റ് പോസിറ്റിവിറ്റി നിരക്ക് 17.94 ശതമാനമാണ്.
ഇന്നലെത്തേക്കാൾ 4.36 ശതമാനം അധികം ഒമിക്രോൺ രോഗികളാണ് റിപ്പോർട്ട് ചെയ്തിരിക്കുന്നത്. 703 പേരാണ് ഇന്നലെ കൊറോണ ബാധിച്ച് മരിച്ചത്. കേന്ദ്ര ആരോഗ്യ മന്ത്രാലയമാണ് ഇക്കാര്യം അറിയിച്ചത്.