എന്തായാലും ഇത്തവണ യുപിക്ക് ഒരു എംഎല്എയെ മുഖ്യമന്ത്രിയായി ലഭിക്കുമെന്ന് ഉറപ്പാണ്. യുപിയിലെ പ്രധാന പോരാട്ടം ബിജെപി-സമാജ് വാദി പാര്ട്ടികള് തമ്മിലാണ്. യോഗി ആദിത്യനാഥും അഖിലേഷ് യാദവും ഇത്തവണ നിയമസഭയിലേക്കു മത്സരിക്കുന്നുണ്ട്. ഇരുവരും നിയമസഭയിലേക്ക് ആദ്യമായാണു മത്സരിക്കുന്നത് എന്നതാണു സവിശേഷത. തന്റെ തട്ടകമായ ഗോരഖ്പുര് അര്ബന് മണ്ഡലത്തിലാണ് ആദിത്യനാഥ് ജനവിധി തേടുന്നത്.
സമാജ് വാദി പാര്ട്ടിയുടെ നെടുങ്കോട്ടയായ മയിന്പുരിയിലെ കരാള് മണ്ഡലത്തിലാണ് അഖിലേഷ് മത്സരിക്കുന്നത്. യോഗി ആദിത്യനാഥ്. ഗോരഖ്പുരില്നിന്ന് അഞ്ചു തവണ ലോക്സഭാംഗമായിട്ടുണ്ട് അഖിലേഷ് യാദവ് നാലു തവണ ലോക്സഭാംഗമായി തെരഞ്ഞെടുക്കപ്പെട്ടു. നാലു തവണ യുപി മുഖ്യമന്ത്രിയായിട്ടുള്ള ബിഎസ്പി അധ്യക്ഷ മായാവതി ഇത്തവണ മത്സരരംഗത്തില്ല.