മസ്കത്ത്: ബൗഷര്‍ മേഖലയിലെ സെവന്‍സ് ഫുട്ബാള്‍ പ്രേമികളുടെ കൂട്ടായ്മയില്‍ കൈരളി ഒമാന്‍ സംഘടിപ്പിച്ച മൂന്നാമത് സ്റ്റീ ഇന്‍ ബൈറ്റ് ബൗഷര്‍ കപ്പ് സെവന്‍സ് ഫുട്ബാള്‍ ടൂര്‍ണമെന്‍റില്‍ എഫ്.സി കേരള ജേതാക്കളായി.
ബൗഷര്‍ ജി.എഫ്.സി. ഗ്രൗണ്ടില്‍ നടന്ന ആവേശകരമായ ഫൈനല്‍ മത്സരത്തില്‍ അപ്പോളോ മസ്കത്ത് ഹാമ്മേഴ്സ് എഫ്.സിയെ പെനാല്‍റ്റി ഷൂട്ടൗട്ടിലൂടെയാണ് തോല്‍പിച്ചത്.
സ്റ്റീം എന്‍ ബൈറ്റ്സ് മഞ്ഞപ്പടയാണ് സെക്കന്‍ഡ് റണ്ണര്‍ അപ്പ്. സൊഹാര്‍ എഫ്.സിയുട രൗനഖ്‌ ഫെയര്‍ പ്ലേ പുരസ്കാരവും നേടി. മികച്ച ഗോള്‍ കീപ്പര്‍- ഹക്കിം (എഫ്.സി. കേരള), മികച്ച കളിക്കാരന്‍- റിന്‍ഷാദ് (അപ്പോളോ മസ്കത്ത് ഹാമ്മേഴ്സ് എഫ്.സി), ടോപ്പ് സ്‌കോറര്‍ -അജു (അപ്പോളോ മസ്കത്ത് ഹാമ്മേഴ്സ് എഫ്.സി), എമര്‍ജിങ് പ്ലെയര്‍ -ലിസ്ബന്‍ (സ്റ്റീം എന്‍ ബൈറ്റ്സ് മഞ്ഞപ്പട). ജേതാക്കള്‍ക്ക് സാമൂഹ്യ പ്രവര്‍ത്തകരായ ബാലകൃഷ്ണന്‍, ഷാജി സെബാസ്റ്റ്യന്‍, സുനില്‍ കുമാര്‍, ഇന്ത്യന്‍ സോഷ്യല്‍ ക്ലബ് കേരള വിഭാഗം കണ്‍വീനര്‍ സന്തോഷ്‌കുമാര്‍, റെജു മരക്കാത്ത്, സംഘാടക സമിതി ചെയര്‍മാന്‍ സുധി, സെക്രട്ടറി അനുചന്ദ്രന്‍ എന്നിവര്‍ ട്രോഫികള്‍ കൈമാറി. ഒമാന്‍റെ വിവിധ പ്രദേശങ്ങളില്‍ നിന്നുള്ള 16 ടീമുകളായിരുന്നു ടൂര്‍ണമെന്‍റില്‍ പങ്കെടുത്തത്. പൂര്‍ണമായും കോവിഡ് പ്രോട്ടോകോള്‍ പാലിച്ചായിരുന്നു മത്സരം.
