കുവൈത്ത് സിറ്റി: കുവൈത്തില് ഇത്തവണ തണുപ്പുകാലം നീളുമെന്ന് പ്രവചനം. മാര്ച്ച് അവസാനം വരെ തണുപ്പ് തുടരാനാണ് സാധ്യതയെന്ന് കാലാവസ്ഥ നിരീക്ഷകന് ആദില് അല് മര്സൂഖ് പ്രവചിച്ചു.
ഇടവിട്ടാണ് തണുപ്പ് ശക്തി പ്രാപിക്കുക. ജനുവരി 24ന് ആരംഭിച്ച ‘അല് അസ്റഖ്’ ഘട്ടം എട്ടുദിവസം നീളും.
ഫെബ്രുവരി പത്തുമുതല് ഒമ്ബതു ദിവസം കടുത്ത തണുപ്പുണ്ടാകും. മാര്ച്ചില് മൂന്നാഴ്ച ശൈത്യമുണ്ടാകുമെന്നും വസന്തകാലം മാര്ച്ച് 21ന് ആരംഭിക്കുമെന്നും അദ്ദേഹം കൂട്ടിച്ചേര്ത്തു. സമീപ വര്ഷങ്ങളിലെ കൂടിയ തണുപ്പാണ് ഇത്തവണ അനുഭവപ്പെടുന്നത്. കഴിഞ്ഞ ആഴ്ച മരുഭൂമി ഭാഗങ്ങളിലും തീരത്തും അന്തരീക്ഷ ഉൗഷ്മാവ് പൂജ്യം ഡിഗ്രി സെല്ഷ്യസിലും താഴെ പോയി. നഗരങ്ങളില് രണ്ടുമുതല് അഞ്ച് ഡിഗ്രി സെല്ഷ്യസ് വരെയായിരുന്നു ഉൗഷ്മാവ്.