ദോഹ: ഹമദ് മെഡിക്കല്‍ കോര്‍പറേഷന്‍റെ ബ്ലഡ് ഡൊണേഷന്‍ സെന്‍റററുമായി സഹകരിച്ച്‌ നടത്തിയ പരിപാടിയില്‍ അംബാസഡര്‍ ഡോ. ദീപക് മിത്തല്‍ മുഖ്യാതിഥിയായി പങ്കെടുത്തു. ഐ.സി.സി അശോകഹാളില്‍ തത്സമയ രജിസ്ട്രേഷന്‍ വഴി നടന്ന ക്യാമ്ബില്‍ നൂറിലേറെ പേര്‍ രക്തദാനം നിര്‍വഹിച്ചു. 21ന് രാവിലെ എട്ട് മുതല്‍ രണ്ടുവരെ നടന്ന രക്തദാന ചടങ്ങില്‍ പങ്കെടുത്തവര്‍ക്ക് അംബാസഡര്‍ സര്‍ട്ടിഫിക്കറ്റുകള്‍ കൈമാറി.
ഫസ്റ്റ് സെക്രട്ടറി സേവ്യര്‍ ധന്‍രാജ്, ഐ.എസ്.സി പ്രസിഡന്‍റ് ഡോ. മോഹന്‍ തോമസ്, ഐ.സി.ബി.എഫ് പ്രസിഡന്‍റ് സിയാദ് ഉസ്മാന്‍, ഐ.ബി.പി.എസി പ്രസിഡന്‍റ് ജാഫര്‍ സാദിക്, ദോഹ ബാങ്ക് സി.ഇ.ഒ ഡോ. ആര്‍. സീതാരാമന്‍ ഉള്‍പ്പെടെ വിവിധ കമ്യൂണിറ്റി നേതാക്കള്‍ പങ്കെടുത്തു.
ഐ.സി.സി അംഗങ്ങള്‍ക്കും എച്ച്‌.എം.സി സ്റ്റാഫ്, മാനേജ്മെന്‍റ്, രക്തദാനം നിര്‍വഹിച്ച വ്യക്തികള്‍ എന്നിവര്‍ക്ക് അംബാസഡര്‍ നന്ദി അറിയിച്ചു.
ഐ.സി.സി പ്രസിഡന്‍റ് പി.എന്‍. ബാബുരാജന്‍, വൈസ്പ്രസിഡന്‍റ് സുബ്രഹ്മണ്യ ഹെബ്ബഗേലു, ജനറല്‍ സെക്രട്ടറി കൃഷ്ണകുമാര്‍ എന്നിവര്‍ നേതൃത്വം നല്‍കി.
