നാദാപുരം: തോട്ടില്‍ മുങ്ങിത്താഴുകയായിരുന്ന മൂന്നു വയസ്സുകാര‍ന്‍റെ ജീവന്‍ രക്ഷിച്ച മയൂഖയുടെ നാട്ടില്‍ ഏറെ ചര്‍ച്ച ചെയ്യപ്പെട്ടിരുന്നു.
ഒടുവില്‍ ധീരതക്കുള്ള രാഷ്ട്രപതിയില്‍നിന്നുള്ള പുരസ്കാരം നേടിയ വാര്‍ത്ത എത്തിയതോടെ ചെക്യാട് ഗ്രാമം അഭിമാന നിമിഷത്തിലായി.
രണ്ടായിരത്തി ഇരുപത് ആഗസ്ത് നാലിന് വൈകുന്നേരമാണ് ചെക്യാട് ചെറുവരത്താഴ തോട്ടില്‍ ചേച്ചിയോടൊപ്പം കുളിക്കുകയായിരുന്ന വളയം പഞ്ചായത്തിലെ വേങ്ങോല്‍ മനോജന്‍ – പ്രേമ ദമ്ബതികളുടെ മകളായ മയൂഖ അയല്‍വാസി വേങ്ങോല്‍ മൂസ്സ – സക്കീന ദമ്ബതികളുടെ ഇളയ മകനായ മുഹമ്മദി‍െന്‍റ ജീവന്‍ രക്ഷിച്ചത്. മുഹമ്മദി‍െന്‍റ സഹോദരങ്ങള്‍ കുളിക്കാന്‍ വീടിനോട് ചേര്‍ന്നുള്ള തോട്ടിലേക്ക് പോയപ്പോള്‍ വീട്ടുകാര്‍ അറിയാതെ മുഹമ്മദും പിന്നാലെ പോയതായിരുന്നു.
മുഹമ്മദ് വെള്ളത്തില്‍ വീഴുന്നത് കണ്ട മയൂഖ തോട്ടിലേക്കിറങ്ങി രക്ഷപ്പെടുത്തുകയായിരുന്നു. മറ്റു കുട്ടികള്‍ ഒച്ചവെച്ചപ്പോള്‍ ഓടിക്കൂടിയ നാട്ടുകാര്‍ പ്രാഥമിക ശുശ്രൂഷ നല്‍കിയാണ് ജീവന്‍ രക്ഷിച്ചത്. സംഭവം നടക്കുമ്ബോള്‍ മയൂഖ ചെക്യാട് എല്‍.പി സ്കൂള്‍ നാലാം ക്ലാസ് വിദ്യാര്‍ഥിയായിരുന്നു. ഈ കൊച്ചുമിടുക്കിക്ക് നാടി‍െന്‍റ നാനാതുറകളില്‍നിന്നും അഭിനന്ദന പ്രവാഹമാണ്.
