ലപാമ (കലിഫോർണിയ) ∙ വിശ്വഹിന്ദു പരിഷത്ത് ലൊസാഞ്ചലസ് ചാപ്റ്റർ സംഘടിപ്പിച്ച രക്ഷാബന്ധൻ ചടങ്ങിൽ ലപാമ പൊലീസ് ഓഫിസർമാരുടെ സാന്നിധ്യം ശ്രദ്ധേയമായി. വിഎച്ച്പിഎയും, എക്സൽ ഫൗണ്ടേഷനും സംയുക്തമായാണ് രക്ഷാബന്ധൻ ചടങ്ങിന് നേതൃത്വം നൽകിയത്. ലപാമ സിറ്റി പൊലീസ് ഉദ്യോഗസ്ഥർക്ക് രക്ഷാബന്ധൻ ചടങ്ങിനെക്കുറിച്ചു സംഘാടകർ വിശദീകരിച്ചു.
വിഎച്ച്പിസി ലൊസാഞ്ചലസ് പ്രസിഡന്റ് കേശവ് പട്ടേൽ നേതൃത്വം നൽകി. പരസ്പര വിശ്വാസത്തിന്റെയും സഹകരണത്തിന്റെയും ബന്ധങ്ങൾ ഊട്ടിയുറപ്പിക്കാൻ ഈ ചടങ്ങിന് കഴിയട്ടെ എന്ന് ലപാമ പൊലീസ് ഓഫിസേഴ്സ് പുറത്തിറക്കിയ കുറുപ്പിൽ പറഞ്ഞു.