പ്രയാസമേറിയ ഈ സമയത്ത് ഞങ്ങള്‍ നിങ്ങളോട് സ്വകാര്യത ആവശ്യപ്പെടുന്നതായി ആരാധകരോടായി ക്രിസ്റ്റ്യാനോ പറഞ്ഞു
ലണ്ടന്‍: മാഞ്ചസ്റ്റര്‍ യൂണൈറ്റഡ് താരം ക്രിസ്റ്റ്യാനോ റൊണാള്‍ഡോയുടെ ആണ്‍കുഞ്ഞ് മരിച്ചു.
ഇരട്ടക്കുട്ടികളിലെ കുഞ്ഞ്, പ്രസവത്തിനിടെയാണ് മരിച്ചത്. ആണ്‍കുട്ടിയുടെ മരണത്തിനൊപ്പം ഭാര്യ ജോര്‍ജിന റോഡ്രിഗസ് ഒരു പെണ്‍കുട്ടിക്ക് ജന്മം നല്‍കിയതായും ക്രിസ്റ്റ്യാനോ ഔദ്യോഗിക ട്വിറ്റര്‍ അക്കൗണ്ടിലൂടെ അറിയിച്ചു.
— Cristiano Ronaldo (@Cristiano) April 18, 2022
”ഞങ്ങളുടെ മകന്‍ മരിച്ചവിവരം അഗാധമായ ദുഃഖത്തോടെ അറിയിക്കുന്നു. ഏതൊരു മാതാപിതാക്കള്‍ക്കും ഏറ്റവും വലിയ വേദന ഉണ്ടാക്കുന്നതാണിത്. ഞങ്ങളുടെ പെണ്‍കുട്ടിയുടെ ജനനമാണ് ഈ നിമിഷത്തില്‍ ജീവിക്കാനുള്ള ശക്തി പകരുന്നത്. ഡോക്‌ടര്‍മാരോടും നഴ്‌സുമാരോടും അവരുടെ സേവനത്തിനും കരുതലിനുമുള്ള നന്ദി അറിയിക്കുന്നു.
ഈ നഷ്‌ടത്തില്‍ ഞങ്ങളെല്ലാവരും തകര്‍ന്നിരിക്കുകയാണ്. പ്രയാസമേറിയ ഈ സമയത്ത് ഞങ്ങള്‍ നിങ്ങളോട് സ്വകാര്യത ആവശ്യപ്പെടുന്നു. പ്രിയപ്പെട്ട മകനേ, നീ ഞങ്ങളുടെ മാലാഖയായിരുന്നു. ഞങ്ങള്‍ എപ്പോഴും നിന്നോടൊപ്പമുണ്ട്” – ക്രിസ്റ്റ്യാനോ ഇങ്ങനെ ട്വീറ്റ് ചെയ്‌തു.
