Thursday, September 23, 2021
HomeGulfയുഎഇ അടക്കം മൂന്ന് രാജ്യങ്ങളില്‍ നിന്നുള്ള യാത്രാ വിലക്ക് സൗദി നീക്കി

യുഎഇ അടക്കം മൂന്ന് രാജ്യങ്ങളില്‍ നിന്നുള്ള യാത്രാ വിലക്ക് സൗദി നീക്കി

ജിദ്ദ: യുഎഇ അടക്കം മൂന്ന് രാജ്യങ്ങള്‍ക്കുള്ള യാത്രാ വിലക്ക് സൗദി അറേബ്യ അവസാനിപ്പിച്ചു. ദക്ഷിണാഫ്രിക്ക, അര്‍ജന്റീന, യുഎഇ എന്നീ രാജ്യങ്ങള്‍ക്കുള്ള വിലക്കാണ് ബുധനാഴ്ച രാവിലെയോടെ അവസാനിച്ചത്. കോവിഡ് വ്യാപനത്തെ തുടര്‍ന്നായിരുന്നു യാത്രാ വിലക്കേര്‍പ്പെടുത്തിയിരുന്നത്. പ്രാദേശിക അന്താരാഷ്ട്ര തലത്തില്‍ കോവിഡ് സ്ഥിഗതികളില്‍ വന്ന മാറ്റത്തിന്റെ അടിസ്ഥാനത്തിലാണ് നിയന്ത്രണം നീക്കിയതെന്ന് സൗദി ആഭ്യന്തര മന്ത്രാലയം പറഞ്ഞു.
ഇന്ത്യയില്‍ നിന്ന് നേരിട്ടുള്ള യാത്രയ്ക്ക് സൗദി അറേബ്യ വിലക്ക് നീക്കിയിട്ടില്ല. അതേ സമയം യുഎഇ വഴി യാത്ര ചെയ്യാനാകുന്നതോടെ സൗദി പ്രവാസികള്‍ക്ക് പ്രതിസന്ധിയില്‍ നിന്ന് താത്കാലിക ആശ്വാസമാകും. നിലവില്‍ ഖത്തര്‍, മാലിദ്വീപ് തുടങ്ങിയ രാജ്യങ്ങളിലെത്തി ക്വാറന്റീനില്‍ കഴിഞ്ഞ ശേഷമാണ് സൗദിയിലേക്ക് ആളുകള്‍ പോയികൊണ്ടിരിക്കുന്നത്. സൗദി അറേബ്യയില്‍ കഴിഞ്ഞ ദിവസം 138 പുതിയ കോവിഡ്  കേസുകളാണ് റിപ്പോര്‍ട്ട് ചെയ്തത്. ആറ് മരണവും 24 മണിക്കൂറിനിടെ റിപ്പോര്‍ട്ട് ചെയ്തു.
RELATED ARTICLES

LEAVE A REPLY

Please enter your comment!
Please enter your name here

STORIES

Most Popular