ജര്മനി, ഡെന്മാര്ക്, ഫ്രാന്സ് എന്നീ രാജ്യങ്ങളിലേക്ക് മൂന്നു ദിവസത്തെ സന്ദര്ശനത്തിന് പ്രധാനമന്ത്രി നരേന്ദ്ര മോദി.
മേയ് രണ്ടു മുതല് നാലു വരെയായിരിക്കും സന്ദര്ശനം. പ്രധാനമന്ത്രിയുടെ ഈ വര്ഷത്തെ ആദ്യ വിദേശ സന്ദര്ശനമാണിതെന്ന് വിദേശകാര്യ മന്ത്രാലയം അറിയിച്ചു.
ആദ്യം ജര്മനിയും പിന്നീട് ഡെന്മാര്ക്കും സന്ദര്ശിക്കുന്ന അദ്ദേഹം മേയ് നാലിന് മടക്കയാത്രയില് ഫ്രാന്സില് പുതുതായി തെരഞ്ഞെടുക്കപ്പെട്ട ഫ്രഞ്ച് പ്രസിഡന്റ് ഇമ്മാനുവല് മാക്രോണുമായി കൂടിക്കാഴ്ച നടത്തും. ഡെന്മാര്ക്ക് ആതിഥേയത്വം വഹിക്കുന്ന രണ്ടാമത്തെ ഇന്ത്യ-നോര്ഡിക് ഉച്ചകോടിയിലും പങ്കെടുക്കും.
ജര്മനിയിലെത്തുന്ന പ്രധാനമന്ത്രി ഇന്ത്യന് സമൂഹത്തെ അഭിസംബോധന ചെയ്യുകയും സംവദിക്കുകയും ചെയ്യും. രാജ്യങ്ങളിലെ സന്ദര്ശനം വിശാലമായ മേഖലകളില് സഹകരണം വര്ധിപ്പിക്കുന്നതിനും ശക്തമാക്കുന്നതിനും അവസരമൊരുക്കും.