സൗഭാഗ്യയ്ക്കും നടന് അര്ജുന് സോമശേഖരനും പെണ്കുട്ടി ജനിച്ച വിവരം താരാ കല്യാണ് ആണ് അറിയിച്ചത്. ഒരു അമ്മയും കുഞ്ഞും ചേര്ന്ന ഒരു ചിത്രം പോസ്റ്റ് ചെയ്തു കൊണ്ടാണ് താര താന് അമ്മൂമ്മയായ സന്തോഷം അറിയിച്ചത്. നവംബര് 29 നാണ് സൗഭാഗ്യയ്ക്ക് മകള് ജനിച്ചത്.
ജീവിതത്തിലേക്ക് മകള് സുദര്ശന കൂടി എത്തിയതിന്റെ സന്തോഷത്തിലാണ് ഇപ്പോള് ഇരുവരും. സുദര്ശന എന്ന് മകള്ക്ക് പേര് നല്കിയതടക്കം പ്രസവത്തിന് മുമ്ബും ശേഷവുമുള്ള വിശേഷങ്ങള് ഇരുവരും ആരാധകരോടായി പങ്കുവയ്ക്കാറുണ്ട്. മകളുടെ നൂലുക്കെട്ട് ചടങ്ങില് നിന്നുള്ള ചിത്രങ്ങളും അടുത്തിടെ സൗഭാഗ്യ പങ്കുവച്ചിരുന്നു.
ഇപ്പോഴിതാ, മകളുടെ ചോറൂണ് ദിവസത്തെ ചിത്രങ്ങളും വീഡിയോകളും പങ്കുവച്ചിരിക്കുകയാണ് സൗഭാഗ്യ. ഗുരുവായൂര് ക്ഷേത്ര നടയില് വച്ചായിരുന്നു ചോറൂണ് നടന്നത്. സൗഭാഗ്യയുടെയും ഭര്ത്താവ് അര്ജുന് സോമശേഖറിന്റെയും അടുത്ത ബന്ധുക്കള് ചോറൂണ് ചടങ്ങില് പങ്കെടുത്തു.