Saturday, May 28, 2022
HomeKerala12 കോടി ലാഭിക്കാം, ദേശീയ പണിമുടക്കില്‍ പങ്കെടുത്ത ജീവനക്കാരുടെ ശമ്ബളം പിടിക്കാന്‍ നീക്കവുമായി കെഎസ്‌ആര്‍ടിസി‍; അവധിയെടുത്തവരുടെ...

12 കോടി ലാഭിക്കാം, ദേശീയ പണിമുടക്കില്‍ പങ്കെടുത്ത ജീവനക്കാരുടെ ശമ്ബളം പിടിക്കാന്‍ നീക്കവുമായി കെഎസ്‌ആര്‍ടിസി‍; അവധിയെടുത്തവരുടെ കണക്കെടുത്ത് തുടങ്ങി

തിരുവനന്തപുരം : ദേശീയ പണിമുടക്കില്‍ പങ്കെടുത്തവരുടെ ശമ്ബളം പിടിക്കാന്‍ നീക്കവുമായി ഗതാഗത വകുപ്പ്. ശമ്ബള പ്രതിസന്ധിക്ക് പിന്നാലെയാണ് രണ്ട് ദിവസത്തെ ദേശീയ പണി മുടക്കില്‍ പങ്കെടുത്തവരുടെ ശമ്ബളം പിടിക്കാനും ഒരുങ്ങുന്നത്.

ശമ്ബള പ്രശ്‌നത്തില്‍ പണിമുടക്കിയ ജീവനക്കാരുടെയും വേതനം പിടിക്കാന്‍ നേരത്തെ തീരുമാനിച്ചിരുന്നു. ഇതിനൊപ്പമാണ് ദേശീയ പണി മുടക്കില്‍ പങ്കെടുത്തവരുടെ ശമ്ബളം പിടിക്കാനും തീരുമാനിച്ചിരിക്കുന്നത്.

പണിമുടക്ക് ദിവസം ഡയസ് നോണ്‍ പ്രഖ്യാപിക്കാന്‍ ഹൈക്കോടതി നിര്‍ദ്ദേശമുണ്ടായിരുന്നുവെങ്കിലും കെഎസ്‌ആര്‍ടിസിയില്‍ ഡയസ്‌നോണ്‍ പ്രഖ്യാപിച്ചിരുന്നില്ല. ഇത് ഏറ്റുപിടിച്ചാണ് ഇപ്പോള്‍ ശമ്ബളം പിടിക്കാന്‍ തീരുമാനിച്ചിരിക്കുന്നത്. പണിമുടക്കിന് തലേന്നും പിറ്റേന്നും മുന്‍കൂട്ടി അറിയിക്കാതെ ജോലിക്ക് ഹാജരാവത്തവര്‍ക്കും വൈകി എത്തിയവര്‍ക്കും എതിരെയും നടപടി ഉണ്ടാകും.

ഇതിന്റെ അടിസ്ഥാനത്തില്‍ പണിമുടക്കിയ ജീവനക്കാരുടെ കണക്ക് എടുത്തു തുടങ്ങി. ജോലിക്കെത്താതിരുന്നവരുടെ പട്ടിക തിങ്കളാഴ്ച സമര്‍പ്പിക്കാന്‍ നിര്‍ദ്ദേശം നല്‍കിയിട്ടുണ്ട്. ഇതിലൂടെ 12 കോടിയിലേറെ രൂപ കെഎസ്‌ആര്‍ടിസിക്ക് ലാഭിക്കാമെന്ന് കണക്ക് കൂട്ടല്‍. സംഭവത്തില്‍ ജീവനക്കാര്‍ക്കിടയില്‍ പ്രതിഷേധം ഉയര്‍ന്നിട്ടുണ്ട്.

അതേസമയം കെഎസ്‌ആര്‍ടിസിയിലെ ശമ്ബള പ്രതിസന്ധിയില്‍ മുഖ്യമന്ത്രി ഇടപെടണമെന്ന് യൂണിയനുകള്‍ ആവശ്യപ്പെട്ടു. കെഎസ്‌ആര്‍ടിസിയിലെ പ്രശ്‌നങ്ങള്‍ പരിഹരിക്കാന്‍ ചുമതലയുള്ള ഗതാഗതമന്ത്രി ആ ഉത്തരവാദിത്തം മറന്നെങ്കില്‍ മുഖ്യമന്ത്രി കടമ നിറവേറ്റണമെന്ന് ഐഎന്‍ടിയുസി ആവശ്യപ്പെട്ടു.

RELATED ARTICLES

LEAVE A REPLY

Please enter your comment!
Please enter your name here

STORIES

Most Popular