നിലന്പൂര്: മൈസൂരു സ്വദേശി നാട്ടുവൈദ്യന് ഷാബാ ഷെരീഫിന്റെ വധവുമായി ബന്ധപ്പെട്ട് ഇന്നു എടവണ്ണ ചാലിയാര് പുഴയില് കൊച്ചിയില് നിന്നുള്ള നാവികസേനാംഗങ്ങളുടെ തെരച്ചില്.
ഷാബാ ഷെരീഫിന്റെ മൃതദേഹാവശിഷ്ടങ്ങള് എടവണ്ണ പാലത്തില് നിന്നു ചാലിയാര് പുഴയിലേക്കു വലിച്ചെറിച്ചെന്ന പ്രതികളുടെ മൊഴിയെ തുടര്ന്നാണ് വിശദമായ പരിശോധന നടത്തുന്നത്. 2020 ല് നടന്ന സംഭവമാണെങ്കിലും ഏതെങ്കിലും തരത്തില് പുഴയില് അവശിഷ്ടങ്ങള് അടിഞ്ഞു കിടക്കുന്നുണ്ടോ എന്ന പരിശോധനയാണ് പോലീസ് നടത്തുന്നത്.
അതിനിടെ കേസിലെ പ്രതികളുമായി വെള്ളിയാഴ്ച രാവിലെ എടവണ്ണയിലെത്തിയ പോലീസ് തെളിവെടുപ്പ് നടത്തിയിരുന്നു. മുഖ്യപ്രതി ഷൈബിന് അഷ്റഫ്, ഷൈബിന്റെ ഡ്രൈവറും കേസിലെ പ്രതിയുമായ നിഷാദ് എന്നിവരെയാണ് എടവണ്ണ സീതിഹാജി പാലത്തില് എത്തിച്ച് തെളിവെടുപ്പ് നടത്തിയത്.