ഇതിനിടെ ബസു ഭാര്യയുടെ സുഹൃത്തായ ശര്മ്മിഷ്ഠയുമായി പരിചയത്തിലായി.ശര്മ്മിഷ്ഠയെ കണ്ടതിന് ശേഷം ബസുവിന് അവളോട് ഒരു ആകര്ഷണം തോന്നി. ഭാര്യയുമായി കഴിയുന്നതിനിടയില് അവളുടെ സുഹൃത്തായ ശര്മ്മിഷ്ഠയോട് അയാള് പ്രണയാഭ്യര്ത്ഥന നടത്തി. പലപ്പോഴായി അയാള് ശര്മ്മിഷ്ഠയോട് സംസാരിക്കാനും, തന്റെ പ്രണയം അറിയിക്കാനും ശ്രമിച്ചു. ഒടുവില് അയാളുടെ പെരുമാറ്റം ഒരു ശല്യമായി തീര്ന്നപ്പോള്, പ്രകോപിതയായ ശര്മ്മിഷ്ഠ ഇക്കാര്യങ്ങളെല്ലാം ഭര്ത്താവ് സുവീറിനോടും സുഹൃത്തും ബസുവിന്റെ ഭാര്യയുമായ പൂജയോടും പറഞ്ഞു.
തുടര്ന്ന് ബസുവിനെ ഹൂഗ്ലി നദിക്കരയിലുള്ള കോന്നഗറിലെ ഒരു ഇഷ്ടികച്ചൂളയിലേക്ക് അവര് വിളിച്ചുവരുത്തി. അവിടെ വച്ച് അയാള്ക്ക് മദ്യം നല്കി. അവിടെ വച്ച് സുവീറും മറ്റ് രണ്ട് സ്ത്രീകളും ചേര്ന്ന് മൂര്ച്ചയുള്ള ആയുധം ഉപയോഗിച്ച് മദ്യലഹരിയിലായ ബസുവിന്റെ കഴുത്തറുത്തു. ശേഷം, തല നദിയിലേക്ക് എറിയുകയും, മൃതദേഹം വാനില് കയറ്റി കൊണ്ടുപോയി അഴുക്കുചാലില് തള്ളുകയും ചെയ്തു.