പള്ളുരുത്തി: കെ.എസ്.ആര്‍.ടി.സി ബസില്‍ യാത്രക്കാരിയായ വീട്ടമ്മയുടെ മാല മോഷ്ടിക്കാന്‍ ശ്രമിച്ച തമിഴ്നാട് സ്വദേശിനിയെ നാട്ടുകാര്‍ പിടികൂടി പൊലീസില്‍ ഏല്‍പിച്ചു.
തമിഴ്നാട് പൊള്ളാച്ചി ജ്യോതി നഗറില്‍ ഭഗവതിയമ്മയാണ് (22) പിടിയിലായത്.
ബുധനാഴ്ച ഉച്ചക്ക് 12ഓടെയാണ് സംഭവം. പെരുമ്ബടപ്പ് സ്വദേശിനിയായ ബേബിയെന്ന വീട്ടമ്മയുടെ നാല് പവന്‍ വരുന്ന മാലയാണ് ഇവര്‍ തട്ടിയെടുക്കാന്‍ ശ്രമിച്ചത്. വീട്ടമ്മ തുറവൂരില്‍നിന്ന് മടങ്ങി വരവെ ബസില്‍നിന്ന് ഇറങ്ങുമ്ബോള്‍ തിരക്കുണ്ടാക്കി പിന്നില്‍നിന്ന് മാല പൊട്ടിക്കാന്‍ ശ്രമിക്കുകയായിരുന്നു.
വീട്ടമ്മ ബഹളമുണ്ടാക്കിയതിനെ തുടര്‍ന്ന് ബസില്‍നിന്ന് ഇറങ്ങി ഓടി രക്ഷപ്പെടാന്‍ ശ്രമിച്ച ഇവരെ ബസ് ജീവനക്കാരും യാത്രക്കാരും ചേര്‍ന്ന് പിടികൂടി പൊലീസില്‍ ഏല്‍പിക്കുകയായിരുന്നു.
