യാംബു: ദീര്‍ഘകാലം യാംബുവില്‍ പ്രവാസിയായിരുന്ന മലയാളി യുവാവ് നാട്ടില്‍ അസുഖബാധിതനായി ചികിത്സയിലിരിക്കെ നിര്യാതനായി.
തിരുവനന്തപുരം മുരുക്കുംപുഴ സ്വദേശിയായ എസ്.വി. അനീഷ് എന്ന കുടു (35) ആണ് ഞായറാഴ്ച മരിച്ചത്.
മൂന്നു വര്‍ഷം യാംബുവില്‍ മൊബൈല്‍ റിപ്പയറിങ് മേഖലയില്‍ ജോലി ചെയ്തിരുന്ന അനീഷ് ഈ മേഖല പൂര്‍ണമായും സ്വദേശിവത്കരിച്ചപ്പോള്‍ പ്രവാസം അവസാനിപ്പിച്ച്‌ നാട്ടിലേക്ക് മടങ്ങിയിരുന്നു. യാംബുവില്‍ എത്തുന്നതിന് മുമ്ബ് കുറച്ചു കാലം റിയാദിലും ജോലി ചെയ്‌തിരുന്നു. അദ്ദേഹത്തിന്റെ പിതാവ് ഷാജിയും നേരത്തേ യാംബുവില്‍ പ്രവാസിയായിരുന്നു.
മാതാവ്: വഹീദ. ഭാര്യ: രഹ്‌ന. മകന്‍: ആതിഫ് മുഹമ്മദ്. സഹോദരി: അധീന.
