കൊല്ലം: മദ്യലഹരിയില്‍ കടന്നുപിടിക്കാന്‍ ശ്രമിച്ചയാളെ യുവതി അടിച്ചു കൊന്നു. കൊട്ടാരക്കര നെടുവത്തൂര്‍ ആനക്കോട്ടൂര്‍ കുളത്തുംകരോട്ട് വീട്ടില്‍ ശശിധരന്‍പിള്ളയാണ് (50) കൊല്ലപ്പെട്ടത്.
കൊലപാതകവുമായി ബന്ധപ്പെട്ട് നെല്ലിമുരുപ്പേല്‍ രജനിയെ (43) പൊലീസ് അറസ്റ്റ് ചെയ്തു.
കഴിഞ്ഞ ദിവസം രാത്രിയിലാണ് സംഭവം. രജനിയുടെ വീട്ടിലെത്തിയ ശശിധരന്‍പിള്ള ഉറക്കത്തിലായിരുന്ന രജനിയെ കടന്നു പിടിച്ചു. ഉറക്കത്തില്‍ നിന്നുണര്‍ന്ന യുവതി കമ്ബിവടി ഉപയോഗിച്ച്‌ ശശിധരന്‍ പിള്ളയുടെ തലയ്‌ക്ക് അടിക്കുകയായിരുന്നു. തുടര്‍ന്ന്, നാട്ടുകാരാണ് ശശിധരന്‍ പിള്ളയ്‌ക്ക് തലയ്‌ക്ക് അടിയേറ്റ വിവരം പൊലീസില്‍ അറിയിച്ചത്.
ഇയാളെ ഉടന്‍ തന്നെ പത്തനംതിട്ട ജനറല്‍ ആശുപത്രിയിലും കോട്ടയം മെഡിക്കല്‍ കോളേജ് ആശുപത്രിയിലും എത്തിച്ചെങ്കിലും ജീവന്‍ രക്ഷിക്കാനായില്ല. അറസ്റ്റ് ചെയ്ത രജനിയെ കോടതിയില്‍ ഹാജരാക്കിയ ശേഷം റിമാന്‍ഡ് ചെയ്തു.
ഒറ്റയ്‌ക്ക് കഴിയുകയായിരുന്ന ശശിധരന്‍ പിള്ള ആറ് മാസം മുന്‍പാണ് രജനിയെ പരിചയപ്പെടുന്നത്. ഭര്‍ത്താവ് ഉപേക്ഷിച്ച രജനി മകനോടൊപ്പമാണ് കഴിഞ്ഞിരുന്നത്.
