നെടുങ്കണ്ടം: തമിഴ്നാടിന്റെ വിദൂര ദൃശ്യം കൂടുതല്‍ തെളിച്ചത്തില്‍. രാമക്കല്‍മേടില്‍ നിന്ന് തമിഴ്നാടിന്റെ വിദൂര ദൃശ്യം കൂടുതല്‍ തെളിച്ചത്തില്‍ കിലോമീറ്ററുകളോളം ദൂരത്തില്‍ കാണാന്‍ പറ്റുന്ന രീതിയില്‍ അനുകൂല കാലാവസ്ഥ.
കാഴ്ചകള്‍ കാണാന്‍ സഞ്ചാരികളുടെ തിരക്ക്. കഴിഞ്ഞ 2 ദിവസമായി നല്ല കാലാവസ്ഥ തുടരുന്നതു കൊണ്ടാണ് വിദൂരദൃശ്യം മനോഹരമാകുന്നതെന്ന് ഡിടിപിസിയും അറിയിച്ചു. ഇതിന് പുറമെ ആമപ്പാറയില്‍ അനര്‍ട്ട് സ്ഥാപിച്ചിരിക്കുന്ന സോളാര്‍ ഹൈബ്രിഡ് പവര്‍ പ്ലാന്റ് കാണാനും സഞ്ചാരികളുടെ തിരക്കേറി. പദ്ധതി കമ്മിഷന്‍ നടന്നതിന് ശേഷം ആയിരക്കണക്കിന് സഞ്ചാരികളാണ് മേഖലയില്‍ എത്തിയത്.
