യുക്രെയ്നിലെ ഒഡേസ തുറമുഖത്തുനിന്ന് പുറപ്പെട്ട ആദ്യ ധാന്യക്കപ്പല് തുര്ക്കിയിലെ ബോസ്ഫറസ് കടലിടുക്കില് എത്തി.
ലബനനിലെ ട്രിപ്പോളി തുറമുഖത്തേക്ക് 26,000 ടണ് ധാന്യവുമായി പുറപ്പെട്ട റസോനി ചരക്കുകപ്പലാണ് തുര്ക്കി സമുദ്രത്തിലെത്തിയത്.
ചരക്കുകപ്പല് ഉടന് തന്നെ ഇസ്താംബുള് തുറമുഖത്ത് എത്തിച്ചേരും. യുഎന്-തുര്ക്കി മധ്യസ്ഥതയിലുള്ള യുക്രെയ്ന്-റഷ്യ കരാര് പ്രകാരം കപ്പല് സംയുക്തസംഘം പരിശോധിച്ചശേഷമാകും ട്രിപ്പോളിയിലേക്ക് യാത്ര തുടങ്ങുക.
തുര്ക്കി, യുഎന് കരാര് അനുസരിച്ചാണ് യുദ്ധം നടക്കുന്ന യുക്രെയ്നില്നിന്ന് ധാന്യക്കയറ്റുമതി നടത്താന് വഴിയൊരുങ്ങിയത്. യുക്രെയ്നില് അധിനിവേശം നടത്തുന്ന റഷ്യയും തുര്ക്കിയും യുഎന്നുമായി പ്രത്യേകം കരാരില് ഒപ്പുവച്ചിരുന്നു.