കാസര്‍കോട്: നീലേശ്വരം പള്ളിക്കര റെയില്‍വേ ഗേറ്റിനടുത്തു പൊലിസ് നടത്തിയ റൈഡില്‍ ഇന്നോവ കാറില്‍ കടത്തുകയായിരുന്ന 25 ഗ്രാം എം.
ഡി. എം. എ, രണ്ട് കിലോ ഗ്രാം കഞ്ചാവ് എന്നിവയുമായി രണ്ടുപേര്‍ അറസ്റ്റില്‍. മാടായി സ്വദേശി നിഷാം. എ (32), കണ്ണൂര്‍ തോട്ടടയിലെ മുഹമ്മദ്‌ താഹ(20) എന്നിവരാണ് അറസ്റ്റിലായത്.
ജില്ലാ പൊലീസ് മേധാവി ഡോ. വൈഭവ് സക്സേനയുടെ മേല്‍നോട്ടത്തില്‍ നടക്കുന്ന ക്ലീന്‍ കാസര്‍കോട് പദ്ധതിയുടെ ഭാഗമായി കാഞ്ഞങ്ങാട് ഡി.വൈ.എസ്.പി ബാലകൃഷ്ണന്‍ നായരുടെയും നീലേശ്വരം ഇന്‍സ്‌പെക്ടര്‍ കെ. പി ശ്രീഹരി യുടെയും നേതൃത്വത്തിലാണ് റെയ്ഡ്.
