അഹമ്മദാബാദ്: ജീവനോടെ കുഴിച്ചുമൂടിയ പിഞ്ചുകുഞ്ഞിനെ കര്‍ഷകന്‍ രക്ഷിച്ചു. ഗുജറാത്തിലെ സബര്‍കന്തയിലെ ഗാംഭോയി ഗ്രാമത്തിലാണ് സംഭവം.
കൃഷി സ്ഥലത്ത് നിന്ന് കരച്ചില്‍ കേട്ടതിനെ തുടര്‍ന്ന് നടത്തിയ പരിശോധനയിലാണ് പെണ്‍കുഞ്ഞിനെ കണ്ടെത്തിയത്. കുഞ്ഞിന്റെ കൈ കുഴിക്ക് പുറത്തായിരുന്നു. മണ്ണ് മാറ്റി കുഞ്ഞിനെ പുറത്തെടുത്ത ശേഷം കര്‍ഷകന്‍ ആംബുലന്‍സ് വിളിച്ച്‌ അടുത്തുള്ള ആശുപത്രിയില്‍ എത്തിച്ചു. ശ്വാസതടസം അനുഭവപ്പെട്ട കുഞ്ഞിനെ ഐസിയുവിലേയ്ക്ക് മാറ്റി. സംഭവത്തില്‍ പൊലീസ് കേസെടുത്ത് രക്ഷിതാക്കള്‍ക്കായി അന്വേഷണം ആരംഭിച്ചു.
