ദോഹ: ഖത്തറിലെ ഇന്ത്യന് നഴ്സുമാരുടെ കൂട്ടായ്മയായ ഫിന്ഖ്യൂവിനു പൊതുജനാരോഗ്യ മന്ത്രാലയത്തിനു കീഴിലെ സി.പി.ഡി പ്രവര്ത്തനങ്ങള്ക്ക് അനുമതി.
ആരോഗ്യ മേഖലയില് പ്രവര്ത്തിക്കുന്നവര്ക്ക് തുടര്പരിശീലന പദ്ധതിയാണ് സി.പി.ഡി. ഖത്തറിലെ ഒരു നഴ്സിങ് അസോസിയേഷന് ഇങ്ങനെയൊരു അവസരം കൈവരുന്നതു ഇതാദ്യമാണെന്ന് ഫിന്ഖ്യു ഭാരവാഹികള് അറിയിച്ചു. ഫിന്ഖ്യുവിന്റെ ക്ഷേമപ്രവര്ത്തനങ്ങള്ക്കുള്ള അംഗീകാരമായാണു ഇതിനെ കാണുന്നതെന്നും വ്യക്തമാക്കി. സെപ്റ്റംബര് എട്ടിന് ആദ്യ സി.പി.ഡി പ്രവര്ത്തനം തുടങ്ങും.
നഴ്സുമാരുടെ കലാ കായിക പ്രവര്ത്തനങ്ങള്ക്കുപുറമേ സാമൂഹിക ഇടപെടലുകളും ക്ഷേമപ്രവര്ത്തനങ്ങളുമായി ചുരുങ്ങിയ കാലം കൊണ്ടുതന്നെ ജനശ്രദ്ധയാകര്ശിച്ച സംഘടനയാണ് ഫിന്ഖ്യൂ. കോവിഡ്കാല പ്രവര്ത്തനങ്ങള്ക്ക് ആരോഗ്യമന്ത്രാലയം പ്രത്യേക അഭിനന്ദനങ്ങളും അവാര്ഡുകളും നല്കി ആദരിച്ചിരുന്നു.