പുരി ജഗന്നാഥ് സംവിധാനം ചെയ്യുന്ന നടന്‍ വിജയ് ദേവരകൊണ്ടയുടെ ബോളിവുഡ് അരങ്ങേറ്റ ചിത്രം ലൈഗര്‍ റിലീസിന് ഒരുങ്ങുകയാണ്.
U/A സര്‍ട്ടിഫിക്കറ്റുമായി ചിത്രം ഈ മാസം 25ന് തീയറ്ററില്‍ പ്രദര്‍ശനത്തിന് എത്തും.
തുടര്‍ച്ചയായി വിശേഷങ്ങളുമായി വന്ന് പ്രമോഷനുകള്‍ക്ക് തുടക്കം കുറിക്കാന്‍ ഒരുങ്ങുകയാണ് ടീം. . ചിത്രത്തില്‍ അനന്യ പാണ്ഡെ നായികയായി എത്തുന്നു. അനന്യയുടെ തെലുങ്ക് അരങ്ങേറ്റ ചിത്രമാണ് ലൈഗര്‍. ബോക്സറുടെ വേഷത്തിലാണ് വിജയ് എത്തുന്നത്.
ബോളിവുഡ് സംവിധായകനും നിര്‍മാതാവുമായ കരണ്‍ ജോഹര്‍ നിര്‍മിക്കുന്ന ചിത്രത്തില്‍ വിജയ് ദേവരകൊണ്ട വ്യത്യസ്ത മേക്കോവറില്‍ എത്തുന്നു. രമ്യ കൃഷ്ണന്‍, വിഷ്ണു റെഡ്ഡി, മകരന്ദ് ദേശ് പാണ്ഡെ എന്നിവരാണ് മറ്റു താരങ്ങള്‍. വിജയ് യുടെ ആദ്യ പാന്‍ ഇന്ത്യന്‍ ചിത്രമാണ്. അഞ്ചു ഭാഷകളില്‍ ചിത്രം പുറത്തിറങ്ങും. വിജയ് ദേവരകൊണ്ടയുടെ ആദ്യ പാന്‍ ഇന്ത്യന്‍ ചിത്രം കൂടിയാണ് ലൈഗര്‍.
