കുവൈത്ത് സിറ്റി: കുവൈത്തിലെ എന്ജിനീയറിങ് ഡിസൈനിങ് രംഗത്തെ കൂട്ടായ്മ ഫോറം ഓഫ് കാഡ് യൂസേഴ്സ് ഫോക്കസ് കുവൈത്തിന്റെ ഫോക്കസ് ഫെസ്റ്റ് 22 ന്റെ പോസ്റ്റര് പ്രകാശനം മെട്രോ മെഡിക്കല് ഗ്രൂപ് സി.ഇ.ഒ ഹംസ പയ്യന്നൂര് ഫെസ്റ്റ് ജനറല് കണ്വീനര് മുകേഷ് കാരയിലിന് നല്കി നിര്വഹിച്ചു.
പ്രസിഡന്റ് സലിം രാജ് അധ്യക്ഷത വഹിച്ചു. വൈസ് പ്രസിഡന്റ് റെജികുമാര്, പ്രോഗ്രാം കമ്മിറ്റിയംഗങ്ങളായ ജേക്കബ്ബ് ജോണ്, കെ. രതീശന്, ഷാജൂ എം.ജോസ്, റോയ് എബ്രഹാം, ബിജി സാമുവല്, അനില് കെ.ബി, നിയാസ് മുഹമ്മദ്, സിസിത ഗിരീഷ് എന്നിവര് പങ്കെടുത്തു. ഒക്ടോബര് ഏഴിന് രാവിലെ ഒമ്ബതു മുതല് പരിപാടി ആരംഭിക്കും.
അംഗങ്ങളുടെയും കുടുംബാംഗങ്ങളുടെയും വിവിധ കലാപരിപാടികള്, ഓണസദ്യ, സാംസ്കാരിക സമ്മേളനം, പത്താം തരത്തില് ഉന്നത വിജയം നേടിയ അംഗങ്ങളുടെ കുട്ടികളെ ആദരിക്കല്, കുവൈത്തിലെ സാമൂഹിക രംഗത്തെ മികച്ച വ്യക്തിയെ ആദരിക്കല്, ബിജൂ തിക്കോടി റാഫി കല്ലായി ടീം നയിക്കുന്ന ഗാനമേള, പൊലിക നാടന് പാട്ടുകൂട്ടത്തിന്റെ നാടന് പാട്ട്, എന്നിവ ഉണ്ടാകും.