യു എ ഇയുടെ വടക്ക്, കിഴക്ക് മേഖലയില്‍ ശനിയാഴ്ച മുതല്‍ കനത്ത മഴക്ക് സാധ്യത.കിഴക്ക് ഭാഗത്തുണ്ടാകുന്ന ന്യൂനമര്‍ദം അസ്ഥിരമായ കാലാവസ്ഥ സൃഷ്ടിക്കുമെന്നും ജാഗ്രത പാലിക്കണമെന്നുമാണ് മുന്നറിയിപ്പ് നല്‍കിയിരിക്കുന്നത്.
കഴിഞ്ഞ മാസം അവസാനത്തില്‍ തിമിര്‍ത്തുപെയ്ത മഴ കിഴക്കന്‍ എമിറേറ്റുകളില്‍ ദുരിതം വിതച്ച സാഹചര്യത്തിലാണ് ജാഗ്രത പാലിക്കാന്‍ നിര്‍ദേശിച്ചിരിക്കുന്നത്.
മഴക്കൊപ്പം മണിക്കൂറില്‍ 40 കിലോമീറ്റര്‍ വേഗത്തില്‍ കാറ്റും പ്രവചിക്കപ്പെട്ടിട്ടുണ്ട്. ബുധനാഴ്ച വരെ മഴ തുടരാനുള്ള സാധ്യതയാണ് നിലവില്‍ കാണുന്നത്. മഴയെ തുടര്‍ന്ന് വെള്ളം നിറഞ്ഞ രാജ്യത്തെ വിവിധ ഡാമുകള്‍ കഴിഞ്ഞ ദിവസം തുറന്നുവിടുമെന്ന് അധികൃതര്‍ അറിയിച്ചിരുന്നു.
