ഉടമയുടെ സമ്മതമില്ലാതെ പരസ്യം ചെയ്ത റിയല്‍ എസ്റ്റേറ്റ് ബ്രോക്കര്‍ക്ക് 50,000 ദിര്‍ഹം പിഴ ചുമത്തി.ഓണ്‍ലൈനിലാണ് ബ്രോക്കര്‍ പരസ്യം നല്‍കിയതെന്ന് ദുബൈ ലാന്‍ഡ് ഡിപ്പാര്‍ട്മെന്‍റ് അറിയിച്ചു.
റിയല്‍ എസ്റ്റേറ്റ് മാര്‍ക്കറ്റിങ് ഉപാധികളും നിബന്ധനകളും തെറ്റിച്ചതാണ് ബ്രോക്കര്‍ക്കെതിരെ പിഴ ചുമത്താനുള്ള കാരണമെന്ന് അധികൃതര്‍ വ്യക്തമാക്കി.
റിയല്‍ എസ്റ്റേറ്റ് പരസ്യങ്ങള്‍ സംബന്ധിച്ച നിയമം അടുത്തിടെ ദുബൈയില്‍ കര്‍ശനമാക്കിയിരുന്നു. ഇപ്പോള്‍ ലഭ്യമല്ലാത്ത ഓഫറുകള്‍ സംബന്ധിച്ച്‌ റിയല്‍ എസ്റ്റേറ്റ് പോര്‍ട്ടലുകളില്‍ പരസ്യങ്ങള്‍ കാണുന്നത് ശ്രദ്ധയില്‍ പെട്ടതായി അടുത്തിടെ കമ്ബനികള്‍ക്ക് റിയല്‍ എസ്റ്റേറ്റ് റെഗുലേറ്ററി അതോറിറ്റി നോട്ടീസ് നല്‍കിയിരുന്നു.
ഇത്തരം പരസ്യങ്ങള്‍ മുഴുവനായും നീക്കണമെന്നും കമ്ബനികളോട് ആവശ്യപ്പെട്ടിരുന്നു. ഇനിയും പരസ്യം നീക്കം ചെയ്തിട്ടില്ലാത്ത കമ്ബനികള്‍ക്കെതിരെ പിഴ ചുമത്തുമെന്നും അധികൃതര്‍ അറിയിച്ചു.
