കീവ്: റഷ്യന് അധിനിവേശത്തിനിടെ ഇന്ന് സ്വാതന്ത്ര്യദിനം “ആഘോഷിക്കുന്ന’ യുക്രെയ്ന് റഷ്യക്കെതിരെ പോരാടാന് മൂന്ന് ബില്യണ് ഡോളര് ആയുധ ധനം അമേരിക്ക നല്കും.
യുക്രൈന് മേല് റഷ്യ കടുത്ത ആക്രമണം തുടരുന്ന സാഹചര്യത്തില് പുതിയ ആയുധങ്ങളും വെടിക്കോപ്പുകളും വാങ്ങി സുരക്ഷയൊരുക്കാന് ഈ പണം ഉപയോഗിക്കുമെന്ന് അമേരിക്കന് വൃത്തങ്ങള് അറിയിച്ചു. റഷ്യന് അധിനിവേശം ആരംഭിച്ച് ആറു മാസം പൂര്ത്തിയാകുന്ന ഇന്ന് ആഘോഷപരിപാടികള് ഉപേക്ഷിക്കാനാണ് യുക്രെയ്ന് സര്ക്കാരിന്റെ തീരുമാനം. ജനവാസകേന്ദ്രങ്ങളും സര്ക്കാര് ഓഫീസുകളും ആക്രമിക്കാന് റഷ്യ പദ്ധതിയിടുന്നതായി അമേരിക്കന് സ്റ്റേറ്റ് ഡിപ്പാര്ട്ട്മെന്റ് മുന്നറിയിപ്പു നല്കിയിട്ടുണ്ട്.