ഹൈദരാബാദ്: ആന്ധ്രപ്രദേശിലും തെലുങ്കാനയിലും പോപ്പുലര് ഫ്രണ്ട് ബന്ധം ആരോപിച്ച് എന്ഐഎ അറസ്റ്റ് ചെയ്ത നാല് പേര്ക്കെതിരെ യുഎപിഎ ചുമത്തി.
സയിദ് യാഹിയ സമീര്, ഫിറോസ് ഖാന്, മുഹമ്മദ് ഇര്ഫാന്, മുഹമ്മദ് ഉസ്മാന് എന്നിവര്ക്കെതിരെയാണ് ഗൂഡാലോചന തുടങ്ങിയ ക്രിമിനല് കുറ്റങ്ങള് കൂടാതെ യുഎപിഎ നിയമത്തിന്റെ 13(1) ബി വകുപ്പ് പ്രകാരം കേസെടുത്തിട്ടുള്ളത്.
തിങ്കളാഴ്ച ആന്ധ്രയിലും തെലുങ്കാനയിലും 38 സ്ഥലങ്ങളിലായി നടത്തിയ റെയ്ഡിനെ തുടര്ന്നാണ് പ്രതികളെ കസ്റ്റഡിയിലെടുത്തിട്ടുള്ളത്. ഓഗസ്റ്റ് 26-ന് രാജ്യദ്രോഹക്കേസില് അറസ്റ്റിലായ അബ്ദുള് ഖാദര് എന്ന പോപ്പുലര് ഫ്രണ്ട് നേതാവ് നടത്തിയ വെളിപ്പെടുത്തലുകളുടെ അടിസ്ഥാനത്തിലാണ് റെയ്ഡുകള് നടത്തിയത്.
റെയ്ഡില് 8.31 ലക്ഷം രൂപയും കഠാരകളും പ്രകോപനപരമായ രേഖകളും സുപ്രധാന തെളിവുകളും പിടിച്ചെടുത്തതായി അന്വേഷണസംഘം അറിയിച്ചിരുന്നു.