ഓര്ക്കുന്നില്ലേ ബ്രിട്ടനില് കടുത്ത കോവിഡ് നിയന്ത്രണങ്ങള് നിലനിന്ന കാലത്ത് ഭര്ത്താവ് ഫിലിപ്പ് രാജകുമാരന് വേണ്ടി പള്ളിയില് ഒറ്റക്കു നിന്ന് പ്രാര്ഥിച്ച എലിസബത്ത് രാജ്ഞിയെ.
ആള്ക്കൂട്ടത്തിനിടെ ഒറ്റക്കായി പോയ ഒരു സ്ത്രീയുടെ വിലാപമാണ് അന്ന് ലോകം കണ്ടത്. അത്രയും ഹൃദയബന്ധമായിരുന്നു അവര് തമ്മില്. എലിസബത്ത് രാജ്ഞിയുടെ 13 ാം വയസില് തുടങ്ങിയ ബന്ധമാണത്. മരണം വേര്പിരിക്കുന്നതു വരെ എലിസബത്തിെന്റ വലിയ കരുത്തായിരുന്നു ഫിലിപ്പ് രാജകുമാരന്. ഒടുവില് ഫിലിപ്പിനരികെ തന്നെ ഉറങ്ങാന് എലിസബത്തുമെത്തി. ആ പ്രണയ കഥ ഇങ്ങനെ ചുരുക്കിപറയാം.
1934ലായിരുന്നു ഇരുവരും ആദ്യമായി കണ്ടത്. അന്ന് ഫിലിപ്പിന് 13 വയസായിരുന്നു. എലിസബത്തിന് എട്ടും. 1939ല് ഇരുവരും വീണ്ടും കണ്ടുമുട്ടി. അന്നുതൊട്ട് പ്രണയവും തുടങ്ങി. ഡാര്ട്ട്മൗത്ത് നാവിക കോളജില് തന്റെയൊപ്പം എത്തിയ പെണ്മക്കളെ അവിടം ചുറ്റി നടന്നു കാണിക്കാന് ജോര്ജ് ആറാമന് രാജാവ് ഏല്പിച്ചത് അവിടെ കേഡറ്റായിരുന്ന ഫിലിപ്പിനെ ആയിരുന്നു. അവിടെ വെച്ചാണ് ഉയരം കൂടിയ നന്നായി സംസാരിക്കുന്ന ഫിലിപ്പ് എലിസബത്തിെന്റ മനംകവര്ന്നത്. അന്ന് എലിസബത്തിന് 13 വയസായിരുന്നു. ഫിലിപ്പിന് 18ഉം. അന്നുമുതല് ഫിലിപ്പും എലിസബത്തും കത്തുകളെഴുതി. ഒടുവില് പ്രണയം എലിസബത്തിെന്റ വീട്ടുകാരുമറിഞ്ഞു.
ഫിലിപ്പിെന്റ കുടുംബ പശ്ചാത്തലമായിരുന്നു രാജകുടുംബത്തിന് വലിയ പ്രശ്നമായി തോന്നിയത്. അന്ന് ഫിലിപ്പിന് സ്വന്തമായി വീട് പോലുമുണ്ടായിരുന്നില്ല. ഫിലിപ്പിെന്റ സഹോദരിമാര് ജര്മനിയില് നിന്നാണ് വിവാഹം കഴിച്ചത്. ഇത് രാഷ്ട്രീയമായി ബ്രിട്ടീഷ് രാജകുടുംബത്തിന് അംഗീകരിക്കാന് കഴിയാത്തതായിരുന്നു. എന്നാല് ഇതിനൊന്നും എലിസബത്തിനെ പിന്തിരിപ്പിക്കാന് സാധിച്ചില്ല. വിവാഹം കഴിക്കുന്നുണ്ടെങ്കില് അത് ഫിലിപ്പ് രാജകുമാരനെ മാത്രമെന്ന് രാജകുമാരി ശാഠ്യം പിടിച്ചു.
അതിനു മുന്നില് മുട്ടുമടക്കേണ്ടി വന്നു രാജകുടുംബത്തിന്. തെന്റ ഗ്രീക്ക് ഡാനിഷ് പദവികള് ഫിലിപ്പ് എലിസബത്തിനു വേണ്ടി ഉപേക്ഷിച്ചു. അതിനു പിന്നാലെ ഫിലിപ്പിന് രാജകുടുംബം ഡ്യൂട്ട് ഓഫ് എഡിന്ബ്രോ എന്ന പദവി നല്കി. അങ്ങനെ 1946ല് എലിസബത്തും ഫിലിപ്പും തമ്മിലുള്ള വിവാഹം ഉറപ്പിച്ചു. 1947ലാണ് ഇക്കാര്യം രാജകുടുംബം പരസ്യമാക്കിയത്. അതേ വര്ഷം നവംബറില് വെസ്റ്റ്മിന്സ്റ്റര് ആബിയില് വെച്ചായിരുന്നു വിവാഹം. അന്നു മുതല് 99 വയസു വരെ ഫിലിപ്പ് രാജകുമാരന് രാജ്ഞിയുടെ നിഴലായി കഴിഞ്ഞു.
വിവാഹത്തിനു ശേഷവും കുറെ പ്രതിബന്ധങ്ങളുണ്ടായി. മക്കള്ക്ക് ഫിലിപ്പിെന്റ പേര് ഉപയോഗിക്കാന് കഴിഞ്ഞില്ല. കുടുംബത്തില് എലിസബത്തിനായിരുന്നു മേല്ക്കൈ. ഫിലിപ്പ് നിഴലായി ഒതുങ്ങുപ്പോയി. നാവികസേനയിലായിരുന്നു വിവാഹത്തിന് മുമ്ബ് ഫിലിപ്പ്. അതെല്ലാം എലിസബത്തിന് വേണ്ട് ഫിലിപ്പ് ഉപേക്ഷിച്ചു.