സംസ്ഥാന ചലച്ചിത്ര അവാര്ഡുകളുടെ വിതരണച്ചടങ്ങ് ഇന്ന് തിരുവനന്തപുരത്ത്. നിശാഗന്ധി ഓഡിറ്റോറിയത്തില് വൈകിട്ട് ആറുമണിക്ക് മുഖ്യമന്ത്രി പിണറായി വിജയന് പുരസ്കാരവിതരണം ഉത്ഘാടനം ചെയ്യും.
( kerala state film awards distribution today )
കേരള സര്ക്കാരിന്റെ പരമോന്നത ചലച്ചിത്ര ബഹുമതിയായ ജെ.സി ഡാനിയേല് അവാര്ഡ് സംവിധായകന് കെ.പി കുമാരനും ടെലിവിഷന് രംഗത്തെ സമഗ്ര സംഭാവനയ്ക്കുള്ള പ്രഥമ ലൈഫ്ടൈം അച്ചീവ്മെന്റ് അവാര്ഡ് മുതിര്ന്ന മാധ്യമപ്രവര്ത്തകന് ശശികുമാറും ഏറ്റുവാങ്ങും.
മികച്ച നടനുള്ള അവാര്ഡ് ബിജു മേനോനും ജോജു ജോര്ജിനും, മികച്ച നടിക്കുള്ള അവാര്ഡ് രേവതിക്കും സമ്മാനിക്കും. മികച്ച സംവിധായകനുള്ള അവാര്ഡ് ദിലീഷ് പോത്തനാണ്. ആഗസ്റ്റ് മൂന്നിന് നിശ്ചയിച്ചിരുന്ന ചടങ്ങ് അതിതീവ്രമഴയുടെ പശ്ചാത്തലത്തില് മാറ്റിവെക്കുകയായിരുന്നു.