കുമളി: ഓട്ടോ ഡ്രൈവറും ഭാര്യയും ചേര്ന്ന് യുവാവിനെ കൊലപ്പെടുത്തി. തമിഴ്നാട്ടിലെ കമ്ബത്ത് സ്വകാര്യ ധനകാര്യ സ്ഥാപനത്തിലെ ജീവനക്കാരനായ പ്രകാശ് (37) ആണ് കൊല്ലപ്പെട്ടത്.മുല്ലപ്പെരിയാറില് നിന്നു വൈഗ അണക്കെട്ടിലേക്കു വെള്ളം കൊണ്ടു പോകുന്ന കനാലില് തള്ളിയ മൃതദേഹത്തിനായി പൊലീസ് തിരച്ചില് തുടരുന്നു.
പ്രദേശത്തെ ഓട്ടോ ഡ്രൈവര് വിനോദ് കുമാര് (34), ഭാര്യ നിത്യ (26), മൃതദേഹം ഓട്ടോയില് കടത്താന് സഹായിച്ച വിനോദ് കുമാറിന്റെ സുഹൃത്ത് രമേശ് (31) എന്നിവരെ അറസ്റ്റ് ചെയ്തു.
പ്രകാശിനു തന്റെ ഭാര്യ നിത്യയുമായുള്ള വഴിവിട്ട ബന്ധം കണ്ടെത്തിയതോടെ അയാളെ കൊലപ്പെടുത്താന് വിനോദ് കുമാര് പദ്ധതി തയാറാക്കുകയായിരുന്നുവെന്നു പൊലീസ് പറഞ്ഞു. തന്റെ നഗ്നചിത്രങ്ങള് കാണിച്ച് പ്രകാശ് ഭീഷണിപ്പെടുത്തിയെന്നു നിത്യ മൊഴി നല്കിയിട്ടുണ്ടെന്നും പൊലീസ് പറഞ്ഞു.
21 മുതല് ഭര്ത്താവിനെ കാണാനില്ലെന്ന് പറഞ്ഞ് പ്രകാശിന്റെ ഭാര്യ പരാതി നല്കിയിരുന്നു. അറസ്റ്റിലാകുമെന്ന് ഉറപ്പായതോടെ വിനോദും നിത്യയും കുറ്റം ഏറ്റുപറയുകയായിരുന്നുവെന്ന് പൊലീസ് പറഞ്ഞു