കോട്ടക്കല്‍: നിരവധി ക്രിമിനല്‍ കേസുകളില്‍ പ്രതിയായ യുവാവിനെ കാപ്പ നിയമ പ്രകാരം നാടുകടത്തി പോലീസ്.
പാങ്ങ്-ചേണ്ടി പറോളി അഷ്റഫ് അലി (37)എന്ന ഞണ്ട് അഷ്റഫിനെതിരെയാണ് നടപടി. മലപ്പുറം, കൊളത്തൂര്‍, കോട്ടക്കല്‍ മേലാറ്റൂര്‍ തുടങ്ങിയ പോലീസ് സ്റ്റേഷനുകളില്‍ അടിപിടി, അക്രമം, തുടങ്ങിയ കേസുകളില്‍ പ്രതിയാണ്. ജില്ല പോലീസ് മേധാവിയുടെ റിപ്പോര്‍ട്ടിന്‍റെ അടിസ്ഥാനത്തില്‍ തൃശ്ശൂര്‍ റേഞ്ച് ഐ.ജിയാണ് കാപ്പ ചുമത്തിയത്. ഒരു വര്‍ഷക്കാലത്തേക്കാണ് വിലക്ക് ഏര്‍പ്പെടുത്തിയിരിക്കുന്നത്.
അതേസമയം, വധശ്രമം അടക്കമുള്ള ക്രിമിനല്‍ കേസുകളില്‍ പ്രതിയായ യുവാവിനെ കാപ്പചുമത്തി ജില്ലയില്‍ നിന്നും നാടുകടത്തി പോലീസ്. ആദൂര്‍ സ്വദേശി അബ്ബാസിനെയാണ് (31) നാടുകടത്തിയത്. എരുമപ്പെട്ടി, കുന്നംകുളം, വടക്കാഞ്ചേരി പോലീസ് സ്റ്റേഷനുകളിലായി എട്ട് കേസുകളിലെ പ്രതിയാണ് ഈ മുപ്പത്തത്തൊന്നുകാരന്‍.ഒരു വര്‍ഷത്തേക്കാണ് പ്രതിക്ക് ജില്ലയില്‍ പ്രവേശിക്കുന്നതിന് വിലക്കേര്‍പ്പെടുത്തിയത്. എരുമപ്പെട്ടി പോലീസ് സ്റ്റേഷന്‍ പരിധിയില്‍നിന്ന് അഞ്ചാമത്തെ ആളാണ് നാടുകടത്തപ്പെടുന്നത്. തൃശൂര്‍ സിറ്റി ജില്ലയില്‍ ഇത് പതിനൊന്നാമത്തെ ആളാണ്.
