സിംഗപ്പൂരില് നടന്ന ഏഷ്യന് അക്കാദമി അവാര്ഡ് 2022ല് മികച്ച സംവിധായകനുള്ള പുരസ്കാരം ബേസില് ജോസഫിന് ലഭിച്ചു.
മലയാളത്തിലെ ആദ്യത്തെ സൂപ്പര് ഹീറോ ചിത്രമെന്ന് വിശേഷിപ്പിക്കപ്പെടുന്ന ‘മിന്നല് മുരളി’ക്കാണ് പുരസ്കാരം.
മത്സരിച്ച 16 രാജ്യങ്ങളിലെ സിനിമകളില് നിന്നാണ് മിന്നല് മുരളിയും ബേസിലും പുരസ്കാരത്തിനായി തിരഞ്ഞെടുക്കപ്പെട്ടത്. സമൂഹമാദ്ധ്യമങ്ങളിലൂടെ ബേസില് തന്നെയാണ് ഈ വാര്ത്ത പങ്കുവച്ചത്.
‘2022ലെ ഏഷ്യന് അക്കാദമി അവാര്ഡില് മികച്ച സംവിധായകനായി തിരഞ്ഞെടുത്തതില് എനിക്ക് അതിയായ സന്തോഷവും അഭിമാനവും തോന്നുന്നു. മലയാള സിനിമയുടെ ഭാഗമാകാനും ഈ വേദിയില് ഇന്ത്യയെ പ്രതിനിധീകരിക്കാനും കഴിഞ്ഞതില് അതിലേറെ അഭിമാനമുണ്ട്’ എന്നും ബേസില് ട്വിറ്ററില് കുറിച്ചു.
I feel overwhelmed and honored to be declared as the the Best Director among 16 countries at the Asian Academy Awards 2022.
Today,I feel prouder than ever to be a part of the Malayalam movie industry and to represent India on this stage.#minnalmurali #AsianAcademyCreativeAwards pic.twitter.com/EVbCR2BrfI— basil joseph (@basiljoseph25) December 8, 2022
കഴിഞ്ഞ വര്ഷം ഡിസംബറില് നെറ്റ്ഫ്ലിക്സിലൂടെ പ്രദര്ശത്തിനെത്തിയ ടൊവിനോ തോമസ് ചിത്രമാണ് ‘മിന്നല് മുരളി’. പ്രഖ്യാപന സമയം മുതല് ശ്രദ്ധ നേടിയ ചിത്രത്തിന് ഇന്ത്യയൊട്ടാകെ വന് സ്വീകാര്യതയാണ് ലഭിച്ചത്. നിരവധി അംഗീകാരങ്ങള് ചിത്രത്തിന് ഇതിനോടകം ലഭിച്ചിട്ടുണ്ട്. ടൊവിനോ തോമസ്, സഞ്ജു സാംസണ്, സൈജു കുറുപ്പ്, സിജു വില്സണ് തുടങ്ങി നിരവധി പേരാണ് ബേസിലിനെ അഭിനന്ദിച്ച് രംഗത്ത് വന്നിരിക്കുന്നത്.