കൊല്ലം : പുലമണ്‍ സ്വകാര്യ ബസ് സ്റ്റാന്‍ഡിന് സമീപം എം.ഡി.എം.എയുമായി യുവാവ് പിടിയിലായ സംഭവത്തില്‍ രണ്ടുപേര്‍ കൂടി അറസ്റ്റില്‍.
തിരുവനന്തപുരം ശാസ്തവട്ടം അയിരൂര്‍പാറ സ്വദേശികളായ വിഷ്ണു (30), ആനന്ദ് (26) എന്നിവരെയാണ് കൊട്ടാരക്കര പോലീസ് പിടികൂടിയത്. കൊല്ലം പട്ടത്താനം ജനകീയ നഗര്‍ -161 മിനി വിഹാറില്‍ അമലിനെ (24) 106 ഗ്രാം എം.ഡി.എം.എയുമായി കഴിഞ്ഞദിവസം പോലീസ് അറസ്റ്റ് ചെയ്തിരുന്നു.
ഇയാളില്‍നിന്ന് ലഭിച്ച വിവരത്തിന്‍റെ അടിസ്ഥാനത്തില്‍ കൊട്ടാരക്കര പൊലീസ് നടത്തിയ അന്വേഷണത്തിലാണ് മറ്റ് പ്രതികളെ തിരുവനന്തപുരത്തു നിന്ന് പിടികൂടിയത്. കോടതിയില്‍ ഹാജരാക്കിയ പ്രതികളെ റിമാന്‍ഡ് ചെയ്തു.
