താന്‍ നേരിട്ട ക്രൂര പീഡനങ്ങളെക്കുറിച്ച്‌ ബോളിവുഡ് താരം ഫ്ളോറ സൈനിയുടെ വെളിപ്പെടുത്തല്‍. നിര്‍മ്മാതാവ് ഗൗരംഗ് ദോഷിക്കെതിരെ ഞെട്ടിപ്പിക്കുന്ന വിവരങ്ങളാണ് ഫ്ളോറ പങ്കുവച്ചിരിക്കുന്നത്.
‘ഗൗരംഗ് ദോഷിയുമായുള്ള ബന്ധം ആരംഭിച്ച്‌ ഏറെ വൈകും മുമ്ബേ പ്രശ്നങ്ങള്‍ ആരംഭിച്ചിരുന്നു.
മറ്റാരുമായി സംസാരിക്കാന്‍ പോലും അനുവദിക്കാതെ 14 മാസം ജീവിക്കേണ്ടി വന്നു.
അയാള്‍ തന്റെ മുഖത്തും സ്വകാര്യ ഭാഗങ്ങളിലും മര്‍ദ്ദിക്കാന്‍ തുടങ്ങി. തന്റെ ഫോണ്‍ കൈവശപ്പെടുത്തുകയും ജോലി ചെയ്യാന്‍ അനുവദിക്കാതിരിക്കുകയും ചെയ്തു.
ഒരു ദിവസം കൊല്ലുമെന്ന് ഭീഷണിപ്പെടുത്തി തന്റെ വയറ്റില്‍ ഇടിച്ചു. അന്ന് താന്‍ ഓടി രക്ഷപ്പെടുകയായിരുന്നു.
പിന്നീട് മാതാപിതാക്കള്‍ക്കൊപ്പമാണ് കഴിഞ്ഞത്. മാസങ്ങള്‍ക്ക് ശേഷമാണ് തനിക്ക് സാധാരണ ജീവിതത്തിലേക്ക് തിരിച്ചു വരാനായത്.’- നടി പറഞ്ഞു.
ഹ്യൂമന്‍സ് ഓഫ് ബോംബെയ്ക്ക് നല്‍കിയ അഭിമുഖത്തിലാണ് നടി ഇക്കാര്യമെല്ലാം വെളിപ്പെടുത്തിയത്. അഭിനയത്തിലേക്ക് തിരിച്ചെത്താന്‍ പിന്നെയും സമയമെടുത്തുവെങ്കിലും താന്‍ ഇന്ന് സന്തോഷവതിയാണെന്നും താരം കൂട്ടിച്ചേര്‍ത്തു.
