കൊച്ചി : മുന്‍ പ്രിന്‍സിപ്പല്‍ സെക്രട്ടറി എം ശിവശങ്കറിനെ എന്ഫോഴ്സ്മെന്റ് ഡയറക്ടറേറ്റ് (ഇഡി) അറസ്റ്റ് ചെയ്തു.
ലൈഫ് മിഷനുമായി ബന്ധപ്പെട്ട കേസില്‍ മൂന്നുദിവസത്തെ ചോദ്യം ചെയ്യലിനുശേഷം കുറ്റസമ്മതമൊഴിയില്ലാതെ ചൊവ്വ രാത്രിയായിരുന്നു അറസ്റ്റ്. ബുധനാഴ്ച കോടതിയില്‍ ഹാജരാക്കും.
ഇഡിയുടെ കൊച്ചി ഓഫീസിലായിരുന്നു ചോദ്യം ചെയ്യല്‍. സ്വപ്ന സുരേഷിന്റെ ലോക്കറില്‍നിന്ന് ഒരുകോടി രൂപ കണ്ടെത്തിയതുമായി ബന്ധപ്പെട്ടാണ് ശിവശങ്കറിനെ ചോദ്യം ചെയ്തത്.
കേസില്‍ സ്വപ്ന സുരേഷ്, സരിത്, സന്ദീപ് നായര്‍ എന്നിവരെ നേരത്തേ ചോദ്യം ചെയ്തിരുന്നു. സ്വപ്നയുടെ ലോക്കറിനെക്കുറിച്ച്‌ അറിയില്ലെന്നും തനിക്കെതിരെയുള്ള ആരോപണങ്ങള്‍ കെട്ടിച്ചമച്ചതാണെന്നും ശിവശങ്കര്‍ മൊഴിനല്‍കി.
