ന്യൂ യോർക്ക് സതേൺ ഡിസ്‌ട്രിക്‌ട് ജഡ്‌ജ്‌ ആയി ഇന്ത്യൻ അമേരിക്കൻ അരുൺ സുബ്രഹ്മണ്യനെ സ്ഥിരീകരിച്ചതായി യുഎസ് സെനറ്റർ ചാൾസ് ഷൂമർ അറിയിച്ചു. അലൈസൻ ജെ. നാഥൻ വിരമിക്കുന്ന ഒഴിവിലേക്ക് വരുന്ന സുബ്രമണ്യൻ കോടതിയിലെ ആദ്യത്തെ ദക്ഷിണേഷ്യൻ ജഡ്‌ജ്‌ ആണ്.
ഷൂമർ പറഞ്ഞു: “അരുൺ സുബ്രഹ്മണ്യൻ അമേരിക്കൻ സ്വപ്നത്തിന്റെ ഏറ്റവും മികച്ച ഉദാഹരണമാണ്. അദ്ദേഹം ചരിത്രമെഴുതി: ഇന്ത്യയിൽ നിന്നുള്ള കഠിനാധ്വാനികളായ മാതാപിതാക്കളുടെ മകൻ. ശക്തമായ ദക്ഷിണേഷ്യൻ സാന്നിധ്യമുള്ള സതേൺ ഡിസ്‌ട്രിക്‌ട് ബെഞ്ചിലെ ആദ്യ ദക്ഷിണേഷ്യൻ ജഡ്‌ജ്‌.”
ഷൂമർ തന്നെയാണ് ബൈഡൻ-ഹാരിസ് ഭരണകൂടത്തോട് സുബ്രഹ്മണ്യനെ നിർദേശിച്ചത്. 2022 സെപ്റ്റംബറിൽ വൈറ്റ് ഹൗസ് അദ്ദേഹത്തിന്റെ നിയമനം പ്രഖ്യാപിച്ചിരുന്നു.
പെൻസിൽവേനിയയിലെ പിറ്റസ്ബർഗിൽ 1979 ൽ ജനിച്ച സുബ്രഹ്മണ്യൻ കൊളംബിയ ലോ സ്കൂളിൽ നിന്നാണ് നിയമബിരുദം എടുത്തത്.
Subramanian confirmed as New York judge
