ബംഗളൂരു : കര്‍ണാടകയില്‍ വിവിധ പരിപാടികളില്‍ പങ്കെടുക്കാനായി പ്രധാനമന്ത്രി നരേന്ദ്രമോദി മാര്‍ച്ച്‌ 25ന് കര്‍ണാടകയിലെത്തും.
മധുസൂദന്‍ സായി ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സസ് ആന്‍ഡ് റിസര്‍ച്ച്‌ സെന്ററിന്റേത് ഉള്‍പ്പടെ നിരവധി പദ്ധതികളുടെ ഉദ്ഘാടനം അദ്ദേഹം നിര്‍വഹിക്കും.
വൈറ്റ് ഫീല്‍ഡ് മെട്രോ ലൈനിന്റെ ഉദ്ഘാടനം നിര്‍വഹിച്ച ശേഷം മോദി മെട്രോ ട്രെയിനിലില്‍ സവാരി ചെയ്യും. തുടര്‍ന്ന് ദാവന്‍ഗെരെയില്‍ ബിജെപിയുടെ പൊതുയോഗത്തിലും പ്രസംഗിക്കും.
ഈ വര്‍ഷം മോദിയുടെ ഏഴാമത്തെ കര്‍ണാടക സന്ദര്‍ശനമാണിത്. മാണ്ഡ്യയില്‍ ബംഗളൂരു- മൈസൂരു എക്‌സ്്പ്രസ് വേയുടെയും ധാര്‍വാഡിലെ ഐഐടി കാമ്ബസിന്റെ ഉദ്ഘാടനത്തിനായി മാര്‍ച്ച്‌ 12ന് മോദി കര്‍ണാടകയില്‍ എത്തിയിരുന്നു.
