വെതര്‍ഫോര്‍ഡ്(ടെക്‌സാസ്) : ഒമ്പതാമത്തെ തവണ മദ്യപിച്ച് വാഹനമോടിച്ചതിന് ചാര്‍ജ്ജ് ചെയ്ത കേസില്‍ കുറ്റക്കാരനാണെന്ന് കണ്ടെത്തിയതിനെത്തുടര്‍ന്ന് 50 കാരനെ ജീവപര്യന്തം തടവിന് ശിക്ഷിച്ചു.
പാര്‍ക്കര്‍ കൗണ്ടി ജൂറിയാണ് വെതര്‍ഫോര്‍ഡിലെ ക്രിസ്റ്റഫര്‍ ഫറാന്‍ സ്റ്റാന്‍ഫോര്‍ഡ്, മദ്യപിച്ച് വാഹനമോടിച്ചതിന് കുറ്റസമ്മതം നടത്തിയ ശേഷം ശിക്ഷ വിധിച്ചത്.
പാര്‍ക്കര്‍ കൗണ്ടി ഡിസ്ട്രിക്റ്റ് അറ്റോര്‍ണി ഓഫീസ് പറയുന്നതനുസരിച്ച്, ടാരന്റ്, ഡാളസ്, റോക്ക്വാള്‍, ജോണ്‍സണ്‍ കൗണ്ടികളില്‍ മദ്യപിച്ച് വാഹനമോടിച്ചതിന് ചാര്‍ജു ചെയ്ത കേസുകളില്‍ സ്റ്റാന്‍ഫോര്‍ഡിന് മുമ്പ്‌നാല് തവണ ജയില്‍ ശിക്ഷ നല്‍കിയിരുന്നു
‘അദ്ദേഹത്തെ പൂട്ടിയിട്ടില്ലെങ്കില്‍ മെട്രോപ്ലെക്സിലുടനീളമുള്ള കമ്മ്യൂണിറ്റികളെ അപകടപ്പെടുത്തുന്നത് തുടരുമെന്ന് ജൂറി ചൂണ്ടിക്കാട്ടിയതായി പാര്‍ക്കര്‍ കൗണ്ടി ഡിഎ ജെഫ് സ്വെയിന്‍ ഒരു പ്രസ്താവനയില്‍ പറഞ്ഞു.
ഈ ഏറ്റവും പുതിയ DWI ചാര്‍ജ് 2022 ഓഗസ്റ്റ് 15-ന്, വെതര്‍ഫോര്‍ഡ് ഇന്റര്‍സെക്ഷനില്‍ വെച്ചായിരുന്നു
സ്റ്റാന്‍ഫോര്‍ഡിന്റെ വാഹനം ചുവന്ന ലൈറ്റില്‍ നിറുത്താതെ ഓടിച്ചെന്നും പിന്നിടു തൊട്ടു മുന്നിലുള്ള വാഹനത്തിന്റെ പുറകില്‍ ഇടിച്ചെന്നും അന്വേഷണ ഉദ്യോഗസ്ഥര്‍ കണ്ടെത്തി.
താന്‍ പിടിക്കപെടുവാന്‍ സാധ്യതയുണ്ടെന്ന് ബന്ധപ്പെട്ട മറ്റ് ഡ്രൈവറോട് പറഞ്ഞതിന് ശേഷം സ്റ്റാന്‍ഫോര്‍ഡ് സംഭവസ്ഥലത്ത് നിന്ന് കാല്‍നടയായി രക്ഷപെടുകയായിരുന്നു.
ജീന്‍സും ഷര്‍ട്ടും വലിച്ചുകീറിയ കമ്പിവേലി ചാടിക്കടന്ന് രക്ഷപ്പെടാന്‍ ശ്രമിച്ച ഇയാളെ 30 മിനിറ്റിനുശേഷം പോലീസ് പിടികൂടി. തന്നെ ചികിത്സിക്കാന്‍ ശ്രമിച്ച ഇഎംടിയെ തലയ്ക്കടിച്ച് വീഴ്ത്താനും ശ്രമിച്ചതായി അധികൃതര്‍ പറഞ്ഞു.
സ്റ്റാന്‍ഫോര്‍ഡിന്റെ രക്തത്തിലെ ആല്‍ക്കഹോള്‍ സാന്ദ്രതയുടെ അളവ് 0.267 ആയിരുന്നു, ഇത് നിയമപരമായ പരിധിയുടെ മൂന്നിരട്ടിയിലേറെയാണ്.
ശിക്ഷാ ഘട്ടത്തിലെ തന്റെ വിസ്താരത്തിനിടെ തനിക്ക് മദ്യപാന പ്രശ്നമുണ്ടെന്ന് കരുതുന്നില്ലെന്ന് അദ്ദേഹം ജൂററോട് പറഞ്ഞു, താന്‍ ‘വളരെ നിര്‍ഭാഗ്യവാനായിരുന്നു’ എന്ന് കൂട്ടിച്ചേര്‍ത്തതായി ഡിഎയുടെ ഓഫീസ് പറഞ്ഞു
15 വര്‍ഷത്തിനു ശേഷമാണ് സ്റ്റാന്‍ഫോര്‍ഡിന് പരോളിന് അര്‍ഹത ലഭിക്കുക എന്നാല്‍ എപ്പോള്‍ മോചിപ്പിക്കും എന്നതിനെക്കുറിച്ചുള്ള ആത്യന്തിക തീരുമാനം ടെക്‌സസ് ബോര്‍ഡ് ഓഫ് പാര്‍ഡന്‍സ് ആന്‍ഡ് പരോള്‍സ് ആയിരിക്കും.
പി പി ചെറിയാന്‍
