തിരുവനന്തപുരം : എസ് എസ് എല് സി പരീക്ഷ ഫലം പ്രഖ്യാപിച്ചു. 99.70 ശതമാനമാണ് വിജയം. 4,19,128 വിദ്യാര്ഥികള് റഗുലറായി പരീക്ഷയെഴുതിയതില് 4,17,864 പേര് ഉപരിപഠനത്തിനു യോഗ്യത നേടി. എല്ലാ വിഷയങ്ങള്ക്കും എ പ്ലസ് നേടിയവര് 68604 പേരാണ്.
സെക്രട്ടേറിയേറ്റിലെ പി ആര് ചേംബറില് നടന്ന വാര്ത്താ സമ്മേളനത്തില് വിദ്യഭ്യാസമന്ത്രി വി. ശിവന്കുട്ടിയാണ് ഫലം പ്രഖ്യാപിച്ചത്.
കണ്ണൂര്(99.94%) ആണ് വിജയശതമാനം ഏറ്റവും കൂടുതലുള്ള റവന്യൂ ജില്ല. വയനാട് ആണ് ഏറ്റവും കുറവ് വിജയശതമാനം. (98.4%). വിജയശതമാനം കൂടിയ വിദ്യാഭ്യാസ ജില്ല പാല, മൂവാറ്റുപുഴ. കുറവ് വയനാട്. ഏറ്റവും കൂടുതല് ഫുള് എ പ്ലസ് ലഭിച്ച ജില്ല മലപ്പുറം(4856 പേര്).
പരീക്ഷാഫലം വൈകിട്ട് നാല് മണി മുതല് ഇന്ഫര്മേഷന് ആന്ഡ് പബ്ലിക് റിലേഷന്സ് വകുപ്പിന്റെ പി.ആര്.ഡി. ലൈവ് മൊബൈല് ആപ്പിലും വിവിധ വെബ്സൈറ്റുകളിലും ലഭിക്കും. എസ്.എസ്.എല്.സി. ഫലമറിയാന് കൈറ്റിന്റെ നേതൃത്വത്തില് www.results.kite.kerala.gov.in എന്ന പ്രത്യേക ക്ലൗഡധിഷ്ഠിത പോര്ട്ടലിനുപുറമെ ‘സഫലം 2023’ എന്ന മൊബൈല് ആപ്പും സജ്ജമാക്കിയിട്ടുണ്ട്