Sunday, October 17, 2021
HomeKeralaകെപിസിസി പുനസംഘടന; 51 പേരടങ്ങുന്ന അന്തിമ പട്ടിക ഹൈക്കമാന്‍ഡിന്റെ കൈകളിൽ

കെപിസിസി പുനസംഘടന; 51 പേരടങ്ങുന്ന അന്തിമ പട്ടിക ഹൈക്കമാന്‍ഡിന്റെ കൈകളിൽ

തിരുവനന്തപുരം: കെപിസിസി പുനസംഘടനയുമായി ബന്ധപ്പെട്ട തര്‍ക്കങ്ങള്‍ പരിഹരിച്ചതായി മാധ്യമ റിപ്പോര്‍ട്ട്. കെപിസിസി ഭാരവാഹികളുടെ പട്ടിക ഇന്ന് പ്രഖ്യാപിച്ചേക്കുമെന്നും റിപ്പോര്‍ട്ടുണ്ട്. ചര്‍ച്ചകള്‍ പൂര്‍ത്തിയാക്കി അന്തിമ പട്ടിക ഇന്നലെ ഹൈക്കമൻഡിന് കൈമാറിയിട്ടുണ്ട്. മുൻ ഡിസിസി പ്രസിഡന്റുമാരെ ഭാരവാഹികളാക്കില്ല. എം പി വിൻസന്റിനും യു രാജീവനും ഇളവ് നൽകില്ല. പത്മജയ്ക്ക് മാത്രമാകും ഇളവ് അനുവദിക്കുക എന്ന് മനോരമ ന്യൂസ് റിപ്പോര്‍ട്ട് ചെയ്യുന്നു.

സമുദായ സമവാക്യം, ദളിത് വനിതാ പ്രാതിനിധ്യം എന്നിവ ഉറപ്പ് വരുത്തി 51 പേരടങ്ങുന്ന അന്തിമ പട്ടികയാണ് തയ്യാറാക്കിയിരിക്കുന്നത്. പതിവ് അസ്വാര്യസങ്ങളും പരസ്യ വിമർശനങ്ങളും ഇല്ലാതെ കെപിസിസി പുനസംഘടന ചർച്ചകള്‍ പൂർത്തിയാക്കാനായെന്ന് സംസ്ഥാന നേതൃത്വം ആശ്വസിച്ചിരുന്നപ്പോഴാണ് തർക്കങ്ങൾ തുടങ്ങിയത്.

മുൻ ഡിസിസി പ്രസിഡന്റുമാരെ ഭാരവാഹികളാക്കില്ലെന്നാണ് റിപ്പോര്‍ട്ട്. എംപി വിൻസന്റിനും യു രാജീവനും ഇളവ് നൽകിയിട്ടില്ല. പത്മജ വേണുഗോപാലിന് മാത്രമാണ് ഇളവ് അനുവദിച്ചിരിക്കുന്നത്. ബിന്ദു കൃഷ്ണയെ പരിഗണിച്ചില്ല. തിരുവനന്തപുരം ജില്ല പഞ്ചായത്ത് മുൻ പ്രസിഡന്റ് രമണി പി നായര്‍ക്കും മഹിളാ കോൺഗ്രസ് നേതാവ് അഡ്വ ഫാത്തിമ റോസ്നയും ജനറൽ സെക്രട്ടറിമാരാകും.

ഉമ്മൻ ചാണ്ടിയും താനും പട്ടികയിൽ സമ്മര്‍ദ്ദം ചെലുത്തിയിട്ടില്ലെന്ന് രമേശ് ചെന്നിത്തല. ഹൈക്കമാന്‍ഡിന്റെ ഏത് തീരുമാനവും അംഗീകരിക്കും. പാര്‍ട്ടി ഒറ്റക്കെട്ടായി പോകേണ്ട സമയത്ത് കലഹത്തിനില്ലെന്നും അദ്ദേഹം പറഞ്ഞു.

കെപിസിസി പുനസംഘടനയിൽ മാനദണ്ഡങ്ങള്‍ അട്ടിമറിക്കാൻ ഇടപെട്ടില്ലെന്ന് എഐസിസി ജനറൽ സെക്രട്ടറി കെ സി വേണുഗോപാൽ വിശദീകരിച്ചു. ഒറ്റ ദിവസം കൊണ്ട് വീണ നേതാവല്ല താനെന്നും അനധീകൃതമായ ഒരിടപെടലും നടത്തിയിട്ടില്ലെന്നും കെസി ഏഷ്യാനെറ്റ് ന്യൂസിനോട് വ്യക്തമാക്കി. ഇതിന് പിന്നാലെ വേണുഗോപാലിനെ പിന്തുണച്ച് കെപിസിസി അധ്യക്ഷൻ കെ സുധാകരനും രംഗത്തുവന്നിട്ടുണ്ട്.

RELATED ARTICLES

LEAVE A REPLY

Please enter your comment!
Please enter your name here

STORIES

Most Popular