കൊച്ചി: എറണാകുളം മഹാരാജാസ് കോളജില് മാര്ക്ക് ലിസ്റ്റ് വിവാദം. എസ്.എഫ്.ഐ സംസ്ഥാന സെക്രട്ടറി പി.എം. ആര്ഷോയുടെ റിസള്ട്ടിലാണ് വിവാദം.
മൂന്നാം സെമസ്റ്റര് ആര്ക്കിയോളജിയുടെ മാര്ക്ക് ലിസ്റ്റില് ഒരു വിഷയത്തിലും മാര്ക്ക് കാണിച്ചിട്ടില്ല. പക്ഷേ പാസ്സായി എന്നാണ് ലിസ്റ്റില് പറയുന്നത്.
എന്നാല് സംഭവിച്ചത് സാങ്കേതിക തകരാറെന്ന് പ്രിൻസിപ്പല് അറിയിച്ചു. വിശദമായ പരിശോധന നടത്തുമെന്നും മഹാരാജാസ് കോളജ് പ്രിന്സിപ്പല് പറഞ്ഞു. വിദ്യാര്ഥികള് പ്രതിഷേധവുമായി എത്തിയപ്പോഴാണ് സംഭവം ശ്രദ്ധയില്പ്പെട്ടതെന്നും അദ്ദേഹം പറഞ്ഞു.
സംഭവത്തില് പ്രതിഷേധവുമായി കെ.എസ്.യു പ്രവര്ത്തകര് പ്രിൻസിപ്പലിനെ ഉപരോധിച്ചു. എസ്.എഫ്.ഐ ഇടപെട്ടാണ് മാര്ക്ക് ലിറ്റില് തിരിമറി നടത്തിയെന്ന് കെ.എസ്.യു ആരോപിച്ചു. ഓണ്ലൈനിലാണ് പരീക്ഷാഫലം പ്രസിദ്ധീകരിച്ചത്. മാര്ച്ചില് പ്രസിദ്ധീകരിച്ച റിസള്ട്ടാണിത്. മൂന്ന് മാസം കഴിഞ്ഞിട്ടും ഇത്തരത്തിലൊരു തിരിമറി നടന്നത് അധ്യാപകരുടെ കണ്ണില്പ്പെട്ടില്ല എന്ന് പറയുന്നതും സംശയിക്കേണ്ടിയിരിക്കുന്നെന്ന് കെ.എസ്.യു നേതാക്കള് പറഞ്ഞു.