തമിഴ്നാട് തദ്ദേശ തെരഞ്ഞെടുപ്പ് ഫലം പുറത്ത് വന്നപ്പോള് ശ്രദ്ധേയമായ വിജയം കൈവരിച്ച് വിജയ് ഫാന്സ് അസോസിയേഷന്.തമിഴ്നാട്ടിലെ 9 ജില്ലകളിലായി 59 ഇടങ്ങളില് ദളപതി വിജയ് മക്കള് ഇയക്കം അംഗങ്ങള് വിജയിച്ചതായാണ് റിപ്പോര്ട്ട്.
ചെങ്കല്പ്പേട്ട്, കല്ലകുറിച്ചി, വില്ലുപുരം,കാഞ്ചിപുരം, റാണിപ്പേട്ട്, തിരുപ്പത്തൂര്, തെങ്കാശി, തിരുന്നേല്വേലി എന്നിവിടങ്ങളില് വിജയ് ഫാന്സ് വലിയ വിജയം കൈവരിച്ചതായാണ് റിപ്പോര്ട്ട്. 13 ഓളം പേര്ക്ക് എതിരാളികള് തന്നെ ഉണ്ടായിരുന്നില്ലെന്നാണ് വിജയ് മക്കള് ഇയക്കം ഭാരവാഹികള് പറയുന്നു.
തന്റെ പിതാവ് എസ്എ ചന്ദ്രശേഖറിന്റെ നേതൃത്വത്തിലുണ്ടാക്കിയ വിജയ് മക്കള് ഇയക്കത്തിനെതിരെ വിജയ് പരസ്യമായി രംഗത്ത് വന്നിരുന്നു. തുടന്ന് സംഘടന പിരിച്ച വിട്ടു.
അതേ സമയം ദളപതി വിജയ് മക്കള് ഇയക്കത്തിന് തിരഞ്ഞെടുപ്പില് മത്സരിക്കുന്നതിനും പത്രിക സമര്പ്പിക്കുന്നതിനും പ്രചരണത്തിനായി വിജയുടെ ചിത്രം ഉപയോഗിക്കുന്നതിനും അനുമതി ലഭിച്ചിരുന്നതായി ദളപതി വിജയ് മക്കള് ഇയക്കം ഭരവാഹികള് അറിയിച്ചു.
രാജ്യത്ത് കോവിഡ് രോഗികളുടെ എണ്ണം കുറയുന്നതിനിടെ ആഭ്യന്തര വിമാന സർവീസുകൾക്കുള്ള നിയന്ത്രണം നീക്കി കേന്ദ്രസർക്കാർ. ഒക്ടോബർ 18 മുതൽ മുഴുവൻ സീറ്റിലും യാത്രക്കാരെ പ്രവേശിപ്പിച്ച് വിമാനകമ്പനികൾക്ക് സർവീസ് നടത്താം. നിലവിൽ 85 ശതമാനം സർവീസുകൾ മാത്രമാണ് കമ്പനികൾ നടത്തുന്നത്.
കഴിഞ്ഞ വർഷം ലോക്ഡൗൺ കഴിഞ്ഞ് വിമാന സർവീസുകൾ ആരംഭിച്ചപ്പോൾ 50 ശതമാനം സർവീസുകൾക്ക് മാത്രമാണ് അനുമതി നൽകിയിരുന്നത്. പിന്നീട് ഇത് ഘട്ടംഘട്ടമായി ഉയർത്തുകയായിരുന്നു.