ചന്ദ്രനില് സോഫ് റ്റ് ലാന്ഡിങ് നടത്തിയതായി അദ്ദേഹം പ്രധാനമന്ത്രിയെ അറിയിച്ചു. ചന്ദ്രയാന്3 ദൗത്യത്തിന്റെ ഭാഗമായവരെ ഐഎസ്ആര്ഒ ചെയര്മാന് അഭിനന്ദിച്ചു. ചന്ദ്രന്റെ ദക്ഷിണധ്രുവത്തില് ആദ്യമായി എത്തുന്ന രാജ്യമായി ഇന്ഡ്യ മാറിയതിനുപിന്നാലെ മാധ്യമങ്ങളെ അഭിസംബോധന ചെയ്തു സംസാരിക്കുകയായിരുന്നു അദ്ദേഹം.
‘ചന്ദ്രയാന്-2ന്റെ പരാജയത്തില് നിന്ന് നമ്മള് പാഠം ഉള്ക്കൊണ്ടു. ലാന്ഡിങ്ങിനു മുന്നോടിയായി നിരവധി പ്രവര്ത്തനങ്ങള് നടത്തി. വളരെ മികച്ച സോഫ് റ്റ് ലാന്ഡിങ്ങാണ് ഇന്ഡ്യ നടത്തിയത്. ഈ 14 ദിവസവും വലിയ ആകാംക്ഷയോടെയാണ് കാത്തിരുന്നത്. കൂടുതല് പരീക്ഷണങ്ങള് നടക്കേണ്ടതുണ്ട്. അടുത്ത മാസം തന്നെ ആദിത്യ എല് 1 വിക്ഷേപണത്തിന്റെ പ്രാരംഭഘട്ടങ്ങള് ആരംഭിക്കും. ഈ വിജയം എല്ലാവര്ക്കും അവകാശപ്പെട്ടതാണ് എല്ലാവരോടും നന്ദിയും അറിയിച്ചു.
ദക്ഷിണാഫ്രികയില് ബ്രിക്സ് ഉച്ചകോടിയില് പങ്കെടുക്കുന്നതിനിടെ പ്രധാനമന്ത്രി വെര്ച്വലിയാണ് ചന്ദ്രയാന്3 ലാന്ഡിങ്ങിന്റെ അഭിമാന നിമിഷങ്ങളില് പങ്കെടുത്തത്. ഐ എസ് ആര് ഒയിലെ ശാസ്ത്രജ്ഞരെയും അവരുടെ പ്രയത്നങ്ങളെയും പ്രധാനമന്ത്രി അഭിനന്ദിച്ചു.
ഐ എസ് ആര് ഒയുടെ മികച്ച നേട്ടത്തില് നിങ്ങള് ഓരോരുത്തരോടും പ്രധാനമന്ത്രി അഭിനന്ദനം അറിയിച്ചിട്ടുണ്ട്. എല്ലാവരും മികച്ച പ്രകടനം കാഴ്ചവച്ചതായും അദ്ദേഹം പറഞ്ഞു. ചന്ദ്രയാന് 3യുടെ പ്രവര്ത്തനങ്ങള്ക്കായി എല്ലാ സഹായങ്ങളും നല്കിയ അദ്ദേഹത്തോടു നന്ദി പറയാന് ഈ അവസരം ഉപയോഗിക്കുകയാണ്. രാജ്യത്തിനു തന്നെ അഭിമാനകരവും പ്രചോദനം നല്കുന്നതുമായ നേട്ടം കൈവരിക്കാന് നമുക്ക് കഴിഞ്ഞു- എന്നും എസ് സോമനാഥ് പറഞ്ഞു.
‘ഇത് ഞങ്ങള് ചന്ദ്രയാന്1ല് ആരംഭിച്ച യാത്രയാണ്. ചന്ദ്രയാന് 2ല് തുടര്ന്നു. പിന്നീടും പ്രവര്ത്തനങ്ങള് തുടര്ന്നു. ഒടുവില് ചന്ദ്രയാന്3യില് നമ്മള് വിജയം ആഘോഷിക്കുമ്ബോള് ചന്ദ്രയാന് ഒന്നിന്റെയും രണ്ടിന്റെയും ഭാഗമായവരോട് നന്ദി പറയുന്നു’ – എന്നും അദ്ദേഹം കൂട്ടിച്ചേര്ത്തു.