ന്യൂയോര്ക്ക്: അന്താരാഷ്ട്ര ഭീകരവാദം ചെറുക്കാന് പ്രതിജ്ഞാബദ്ധമാണെന്ന് ക്വാഡ് രാഷ്ട്രങ്ങള് പ്രസ്താവിച്ചു.
ന്യൂ യോര്ക്കില് വിദേശ കാര്യ മന്ത്രിമാര് യോഗം ചേര്ന്നതിന് ശേഷം പുറത്തിറക്കിയ സംയുക്ത പ്രസ്താവനയിലാണ് കാനഡയെ പരോക്ഷമായി വിമര്ശിച്ചും ഇന്ത്യയെ പിന്തുണച്ചും പ്രസ്താവന പുറത്തിറക്കിയത്.ഭീകരവാദികള്ക്ക് മറ്റ് രാജ്യങ്ങള് ഒളിത്താവളങ്ങള് നല്കുന്നതും, ഭീകരപ്രവര്ത്തനങ്ങള്ക്ക് ആവശ്യമായ സാമ്ബത്തിക ശൃംഖല രൂപപ്പെടുന്നതും ചെറുക്കാന് സമഗ്രമായ നടപടികള് തുടരുമെന്നും അംഗ രാഷ്ട്രങ്ങള് വ്യക്തമാക്കി.അമേരിക്ക, ജപ്പാന്, ഓസ്ട്രേലിയ, ഇന്ത്യ എന്നിവരടങ്ങുന്നതാണ് ക്വാഡ് രാഷ്ട്രങ്ങള്.
കാനഡ ഖാലിസ്ഥാന് ഭീകരവാദികള്ക്കെതിരെ ശക്തമായ നടപടികള് സ്വീകരിക്കുന്നില്ലെന്ന് ഇന്ത്യ ആവര്ത്തിക്കുന്ന സാഹചര്യത്തിലാണ് ക്വാഡ് പ്രസ്താവന. അതേസമയം, ഭരണം നിലനിര്ത്താനുള്ള ആഭ്യന്തര സമ്മര്ദ്ദമാണ് കാനഡ പ്രധാനമന്ത്രി ജസ്റ്റിന് ട്രൂഡോയെ ഇന്ത്യക്കെതിരെ തിരിയാന് പ്രേരിപ്പിച്ചതെന്നാണ് അന്തര്ദേശീയ തലത്തിലെ വിലയിരുത്തല്.